"Qazgidromet" RMK 2025 jylǵy shildege arnalǵan qurǵaqshylyqqa bailanysty boljamdy jariialady. Jaýyn-shashyn kútilmeitin óńirler tiziminde 13 oblys qamtylǵan, dep habarlaidy Dalanews.kz.
Sinoptikter aýa temperatýrasynyń joǵarylaýy jáne jaýyn-shashynnyń jetispeýshiligi elimizdiń jeke aimaqtarynda qurǵaqshylyq jaǵdailarynyń kúsheiýine yqpal etetinin eskertedi.
2025 jyldyń shilde aiynda birqalypty qurǵaqshylyq jaǵdailary myna eldimekenderde kútiledi:
- Batys Qazaqstan oblysynda Jánibek jáne Kaztalov aýdandarynda;
- Aqtóbe oblysynda Shalqar jáne Muǵaljar aýdandarynda;
- Atyraý oblysynda Inderbor aýdanynda;
- Mańǵystaý oblysynda Beineý, Mańǵystaý jáne Qaraqiia aýdandarynda;
- Qostanai oblysynda Amangeldi, Jangeldi aýdandarynda;
- Qaraǵandy oblysynda Aqtoǵai jáne Shet aýdandarynda;
- Ulytaý oblysynda Ulytaý aýdanynda;
- Abai oblysynda Aiagóz jáne Úrjar aýdandarynda;
- Almaty oblysynda Balqash, Jambyl jáne Eńbekshiqazaq aýdandarynda;
- Jetisý oblysynda Alakól, Qaratal aýdandarynda jáne ishinara Panfilov aýdanynda taýly jerlerden basqasy;
- Jambyl, Túrkistan jáne Qyzylorda oblystarynyń basym bóliginde.
"Elimizdiń qalǵan aýmaqtarynda ylǵaldaný jaǵdailary normaǵa jýyq bolady dep kútiledi", - deidi sinoptikter.
