"قازگيدرومەت" رمك 2025 جىلعى شىلدەگە ارنالعان قۇرعاقشىلىققا بايلانىستى بولجامدى جاريالادى. جاۋىن-شاشىن كۇتىلمەيتىن وڭىرلەر تىزىمىندە 13 وبلىس قامتىلعان، دەپ حابارلايدى Dalanews.kz.
سينوپتيكتەر اۋا تەمپەراتۋراسىنىڭ جوعارىلاۋى جانە جاۋىن-شاشىننىڭ جەتىسپەۋشىلىگى ەلىمىزدىڭ جەكە ايماقتارىندا قۇرعاقشىلىق جاعدايلارىنىڭ كۇشەيۋىنە ىقپال ەتەتىنىن ەسكەرتەدى.
2025 جىلدىڭ شىلدە ايىندا ءبىرقالىپتى قۇرعاقشىلىق جاعدايلارى مىنا ەلدىمەكەندەردە كۇتىلەدى:
- باتىس قازاقستان وبلىسىندا جانىبەك جانە كازتالوۆ اۋداندارىندا؛
- اقتوبە وبلىسىندا شالقار جانە مۇعالجار اۋداندارىندا؛
- اتىراۋ وبلىسىندا يندەربور اۋدانىندا؛
- ماڭعىستاۋ وبلىسىندا بەينەۋ، ماڭعىستاۋ جانە قاراقيا اۋداندارىندا؛
- قوستاناي وبلىسىندا امانگەلدى، جانگەلدى اۋداندارىندا؛
- قاراعاندى وبلىسىندا اقتوعاي جانە شەت اۋداندارىندا؛
- ۇلىتاۋ وبلىسىندا ۇلىتاۋ اۋدانىندا؛
- اباي وبلىسىندا اياگوز جانە ءۇرجار اۋداندارىندا؛
- الماتى وبلىسىندا بالقاش، جامبىل جانە ەڭبەكشىقازاق اۋداندارىندا؛
- جەتىسۋ وبلىسىندا الاكول، قاراتال اۋداندارىندا جانە ءىشىنارا پانفيلوۆ اۋدانىندا تاۋلى جەرلەردەن باسقاسى؛
- جامبىل، تۇركىستان جانە قىزىلوردا وبلىستارىنىڭ باسىم بولىگىندە.
"ەلىمىزدىڭ قالعان اۋماقتارىندا ىلعالدانۋ جاعدايلارى نورماعا جۋىق بولادى دەپ كۇتىلەدى"، - دەيدى سينوپتيكتەر.
