Búgin Myrzakent kentindegi «Aı-Arý» meıramhanasynda ájeler qoǵamdyq uıymy aýdanymyzdyń 90 jyldyq mereıtoıyna arnalǵan saltanatty kesh ótkizdi. Jıynǵa aýdan ákiminiń orynbasary Altyn Eshanqulova qatysyp, saltanatty keshti ashyp berdi.

– Kıeli Maqtaaral aýdanynyń 90 jyldyq mereıtoıyn 16, 17 jáne 18 qarasha kúnderi ótkizý úshin daıyndyq jumystaryn jasap jatyrmyz. Ótkenimizden sabaq alyp, jańa qurylǵan aýdanymyzdyń bolashaǵyn durys baǵytqa baǵdarlaý – merekemizdiń basty maqsaty. Sondyqtan, aýdanymyzdyń 90 jyldyq mereıtoıyn atap ótýdiń mańyzy zor dep oılaımyn, – dedi Altyn Eshanqulova.

Maqtaaral aýdanyndaǵy ájeler qoǵamdyq uıymy aýdanda ótetin is-sharalar men aıtýly datalarǵa belsendi túrde qatysyp, jas urpaqtyń ultjandy, patrıot bolyp ósýine óz úlesterin qosyp keledi. Sondyqtan ájeler uıymnyń 90 jyldyq mereıtoıǵa óz taraptarynan tartý taralyǵy usynyý aýdan turǵyndaryn qýanyshqa bóledi desek bolady.

Myrzakent kentiniń ákimi M.Erdeshov, aýdandyq ardagerler keńesiniń tóraǵasy S.Ońǵarov, aýdandyq ájeler qoǵamdyq uıymynyń tóraıymy Sh.Qurbanbaeva, Elbasymyzdyń synyptasy R.Tólemısovalar saltanatty keshte sóz sóılep, aýdannyń 90 jyldyq mereıtoıymen barsha maqtaaraldyqtardy quttyqtady.

 

Maqtaaral aýdany ákiminiń baspasóz qyzmeti