Qaskóiler "Qazaqstan Halyq Banki" aktsionerlik qoǵamynyń enshilesi - Tenge Bank-tiń Tashkenttegi filialynan 90 myń dollar urlaǵan, dep habarlaidy Dalanews.kz Kazinform agenttigine silteme jasap.
Ózbekstan Ishki ister ministrliginiń málimetine sáikes, quqyq qorǵaý organdaryna aqsha urlyǵy týraly aryz biyl maýsym aiynda túsken. Tergeý barysynda anyqtalǵandai, alaiaqtar POS-terminalǵa jalǵan derekterdi engizgen, keiin bankke baryp, 90 myń dollardy qolma-qol alyp ketken.
Ishki ister basqarmasynyń qyzmetkerleri aqsha urlady degen kúdikpen 9 adamdy ustady. Qolǵa túskenderdiń biri mundai alaiaqtyq shemany Telegram arnalary arqyly taýyp, ony tolyq zerttegenin aitty. Tiisinshe, jospardy iske asyrý úshin olar bank qyzmetkerimen sóz bailasyp, onyń kómegimen baǵdarlamany jetildire túsken.
Minstrliktiń baspasóz qyzmetinen málim etkendei, ustalǵandardan 12 uialy telefon, POS-terminal jáne 36,5 myń dollar tárkilengen.
Aita ketsek, Ózbekstanda jumys isteitin Tenge Bank 100% "Qazaqstan Halyq Banki" aktsionerlik qoǵamynyń enshiles kompaniiasy bolyp sanalady. Ol Tashkenttegi qyzmetin 2019 jyly bastaǵan.
Buǵan deiin saitymyzda "Parijdegi tuzaq: ózbek bankiri qylmys áleminiń serkesimen qalai betpe-bet keldi?" degen maqala jariialanǵan bolatyn.
