Is materialdaryna sáikes, 2025 jylǵy sáýirde aiyptalýshy áleýmettik jelide óziniń bir búiregin 20 million teńgege satatyny týraly habarlandyrý jariialaǵan. Oǵan Aqtóbe turǵyny jaýap bergen. Kóp uzamai "A." meditsinalyq tekserýden ótý úshin qalaǵa kelgen. Ol áielden 7,5 million teńge alyp jatqan sátinde ustaldy. Bul áiel keiinnen is boiynsha kýáger retinde tanyldy.
Sot otyrysynda aiyptalýshy kinásin tolyq moiyndap, QR "Qazaqstan Respýblikasy Konstitýtsiiasynyń otyz jyldyǵyna bailanysty raqymshylyq týraly" zańy negizinde qylmystyq isti toqtatýdy surady. Prokýror bul ótinishti qoldady.
Sot is materialdaryn, kýágerlerdiń jaýaptaryn, saraptama qorytyndylaryn jáne ózge de dálelderdi zerttei kele, aiyptalýshyny qylmystyq jaýapkershilikten bosatýǵa bolady degen sheshimge keldi.
Osyǵan bailanysty QR QK 78-baby 1-bóligi, Amnistiia týraly zańnyń 2-baby 1-tarmaǵy 2-tarmaqshasy jáne QR QPK 35-baby 1-bóligi 3-tarmaqshasy negizinde qylmystyq is toqtatyldy.
Sot qaýlysy, ázirge zańdy kúshine engen joq.
