ءىس ماتەريالدارىنا سايكەس، 2025 جىلعى ساۋىردە ايىپتالۋشى الەۋمەتتىك جەلىدە ءوزىنىڭ ءبىر بۇيرەگىن 20 ميلليون تەڭگەگە ساتاتىنى تۋرالى حابارلاندىرۋ جاريالاعان. وعان اقتوبە تۇرعىنى جاۋاپ بەرگەن. كوپ ۇزاماي "ا." مەديسينالىق تەكسەرۋدەن ءوتۋ ءۇشىن قالاعا كەلگەن. ول ايەلدەن 7،5 ميلليون تەڭگە الىپ جاتقان ساتىندە ۇستالدى. بۇل ايەل كەيىننەن ءىس بويىنشا كۋاگەر رەتىندە تانىلدى.
سوت وتىرىسىندا ايىپتالۋشى كىناسىن تولىق مويىنداپ، ق ر "قازاقستان رەسپۋبليكاسى كونستيتۋسياسىنىڭ وتىز جىلدىعىنا بايلانىستى راقىمشىلىق تۋرالى" زاڭى نەگىزىندە قىلمىستىق ءىستى توقتاتۋدى سۇرادى. پروكۋرور بۇل ءوتىنىشتى قولدادى.
سوت ءىس ماتەريالدارىن، كۋاگەرلەردىڭ جاۋاپتارىن، ساراپتاما قورىتىندىلارىن جانە وزگە دە دالەلدەردى زەرتتەي كەلە، ايىپتالۋشىنى قىلمىستىق جاۋاپكەرشىلىكتەن بوساتۋعا بولادى دەگەن شەشىمگە كەلدى.
وسىعان بايلانىستى ق ر قك 78-بابى 1-بولىگى، امنيستيا تۋرالى زاڭنىڭ 2-بابى 1-تارماعى 2-تارماقشاسى جانە ق ر قپك 35-بابى 1-بولىگى 3-تارماقشاسى نەگىزىندە قىلمىستىق ءىس توقتاتىلدى.
سوت قاۋلىسى، ازىرگە زاڭدى كۇشىنە ەنگەن جوق.
