AQSH prezıdenti Donald Tramp Qazaqstanǵa kelýi múmkin, dep habarlaıdy Dalanews.kz.

"Qazaqstan men AQSH jalpy quny 17 mıllıard dollar turatyn kelisimder jasady. Ol avıasıa, mıneraldy resýrstar jáne sıfrlyq tehnologıalar sekildi baǵyttardy qamtıdy. Sizdiń oıyńyzsha, bul seriktestiktiń qaı salasy mańyzdy? Ekinshi suraq. Tramp myrza, sizdi Qazaqstanǵa kelgen alǵashqy AQSH prezıdenti dep qashan aıta alamyz? Bizdiń elge qonaq bolý josparyńyzda bar ma?" degen saýal qoıyldy.

"Bul ábden múmkin (Qazaqstanǵa saparmen kelý – esk). Barlyq sala óte mańyzdy dep sanaımyn. Bir jyldan keıin ne bolatynyn bilmeımiz. Sizdiń tabıǵı resýrsqa baı elińiz, sondaı-aq, parasatty Prezıdentińiz bar", - dep jaýap berdi AQSH prezıdenti.