Endi Qazaqstan azamattary kólikti jańa ádispen ala alady, dep habarlaidy Dalanews.kz.
1 jeltoqsannan bastap Qazaqstanda azamattarǵa arnalǵan avtolizing iske qosylady. Bul týraly Májilis depýtaty Oljas Quspekov málimdedi.
"Kólik satyp alý - kóptegen azamat úshin qiyn másele. Kópshiliktiń qymbat nesie alýǵa nemese jyldar boiy alǵashqy jarna jinaýǵa múmkindigi joq. Bul máseleni biz eki jyl buryn alǵash kóterdik. Búginde ol naqty nátije berdi, Prezident tapsyrmasymen jeke tulǵalarǵa arnalǵan avtolizing mehanizmi iske qosylady", - dedi depýtat.
Aita keteiik, lizing - uzaq merzimdi jaldaý túri, iaǵni adam kólikti 2-5 jyl paidalanady, biraq kóliktiń iesi lizing kompaniiasy bolyp qala beredi.
Merzim aiaqtalǵanda klient kólikti qaitaryp, qalǵan qunymen satyp ala alady nemese jańa kelisimshart rásimdei alady.
