2025 jyldyń 15 qarashasynan bastap Qazaqstanda turǵyn úige muqtaj azamattardy esepke qoiýdyń jańa erejeleri kúshine enedi. Ózgerister QR Indýstriia jáne qurylys ministriniń 2025 jylǵy 30 qazandaǵy №464 buiryǵymen bekitilgen, dep habarlaidy Dalanews.kz PRG.Zanger-ge silteme jasap.
Jańartylǵan erejeler azamattarǵa turǵyn úige muqtaj retinde esepke qoiýdan bas tartýǵa bolatyn jaǵdailardy naqtylaidy.
Endi keibir qazaqstandyqtar turǵyn úi kezegine tura almaidy, eger:
-
sońǵy bes jyl ishinde osy eldi mekende turǵyn úige ielik etken bolsa nemese ieliginde bolǵan bolsa;
-
eger sóz memlekettik kásiporynnyń turǵyn úi qorynan esepke qoiý týraly bolsa, azamat sońǵy bes jyl ishinde Qazaqstan aýmaǵynda turǵyn úige ielik etken nemese ieliginde bolǵan bolsa;
-
azamat memlekettik turǵyn úi qorynan berilgen baspanany paidalanyp júrse nemese jergilikti atqarýshy organ (JAO) jeke menshik iesinen jalǵa alǵan turǵyn úide turyp jatsa;
-
usynylǵan qujattarda jalǵan málimetter anyqtalsa;
-
azamat buryn memlekettik turǵyn úi qorynan baspana alyp, ony jekeshelendirgen bolsa;
-
ol Ulttyq bank baǵdarlamalary, memlekettik turǵyn úi baǵdarlamalary nemese QR Úkimeti bekitken tujyrymdamalar aiasynda berilgen ipotekalyq nesie arqyly turǵyn úi satyp alǵan bolsa.
Bul ózgeristerdiń maqsaty – memlekettik turǵyn úidi bólý júiesiniń ádildigin jáne onyń naqty muqtaj jandarǵa baǵyttalýyn qamtamasyz etý, sondai-aq azamattardyń memleketten qaitalama kómek alý jaǵdailaryn boldyrmaý.
