Qyzylordada kólik qaqqan bes ailyq sábi kóz jumdy, al anasy aýyr hálde jatyr, dep habarlaidy dalanews.kz.
Málimet boiynsha 13 qazanda saǵat 17:10 shamasynda Qyzylordada Mitsubishi Lancer kóliginiń júrgizýshisi bes ailyq sábii bar áieldi qaǵyp, oqiǵa ornynan qashyp ketken. Jol apatynan náreste kóz jumǵan. Al 26 jastaǵy anasy aýyr hálde aýrýhanada jatyr. Ol áli esin jimaǵan.
Dárigerlerdiń málimetinshe, áieldiń qabyrǵalary men jambas súiegi synǵan. Budan bólek, denesinde birneshe aýyr jaraqat bar. Oǵan birneshe ota jasalýy múmkin.
Politsiia bul oqiǵa boiynsha qylmystyq is qozǵady. Kúdikti kim ekeni anyqtalǵan. Qazir ony ustaý sharalary júrgizilip jatyr.
