2025 جىلدىڭ 15 قاراشاسىنان باستاپ قازاقستاندا تۇرعىن ۇيگە مۇقتاج ازاماتتاردى ەسەپكە قويۋدىڭ جاڭا ەرەجەلەرى كۇشىنە ەنەدى. وزگەرىستەر ق ر يندۋستريا جانە قۇرىلىس ءمينيسترىنىڭ 2025 جىلعى 30 قازانداعى №464 بۇيرىعىمەن بەكىتىلگەن، دەپ حابارلايدى Dalanews.kz PRG.Zanger-گە سىلتەمە جاساپ.
جاڭارتىلعان ەرەجەلەر ازاماتتارعا تۇرعىن ۇيگە مۇقتاج رەتىندە ەسەپكە قويۋدان باس تارتۋعا بولاتىن جاعدايلاردى ناقتىلايدى.
ەندى كەيبىر قازاقستاندىقتار تۇرعىن ءۇي كەزەگىنە تۇرا المايدى، ەگەر:
-
سوڭعى بەس جىل ىشىندە وسى ەلدى مەكەندە تۇرعىن ۇيگە يەلىك ەتكەن بولسا نەمەسە يەلىگىندە بولعان بولسا؛
-
ەگەر ءسوز مەملەكەتتىك كاسىپورىننىڭ تۇرعىن ءۇي قورىنان ەسەپكە قويۋ تۋرالى بولسا، ازامات سوڭعى بەس جىل ىشىندە قازاقستان اۋماعىندا تۇرعىن ۇيگە يەلىك ەتكەن نەمەسە يەلىگىندە بولعان بولسا؛
-
ازامات مەملەكەتتىك تۇرعىن ءۇي قورىنان بەرىلگەن باسپانانى پايدالانىپ جۇرسە نەمەسە جەرگىلىكتى اتقارۋشى ورگان (جاو) جەكە مەنشىك يەسىنەن جالعا العان تۇرعىن ۇيدە تۇرىپ جاتسا؛
-
ۇسىنىلعان قۇجاتتاردا جالعان مالىمەتتەر انىقتالسا؛
-
ازامات بۇرىن مەملەكەتتىك تۇرعىن ءۇي قورىنان باسپانا الىپ، ونى جەكەشەلەندىرگەن بولسا؛
-
ول ۇلتتىق بانك باعدارلامالارى، مەملەكەتتىك تۇرعىن ءۇي باعدارلامالارى نەمەسە ق ر ۇكىمەتى بەكىتكەن تۇجىرىمدامالار اياسىندا بەرىلگەن يپوتەكالىق نەسيە ارقىلى تۇرعىن ءۇي ساتىپ العان بولسا.
بۇل وزگەرىستەردىڭ ماقساتى – مەملەكەتتىك تۇرعىن ءۇيدى ءبولۋ جۇيەسىنىڭ ادىلدىگىن جانە ونىڭ ناقتى مۇقتاج جاندارعا باعىتتالۋىن قامتاماسىز ەتۋ، سونداي-اق ازاماتتاردىڭ مەملەكەتتەن قايتالاما كومەك الۋ جاعدايلارىن بولدىرماۋ.
