2025 jyldyń basynan beri otbasy, áielder men balalardyń quqyqtaryn qorǵaý máseleleri boiynsha ótinishter qabyldaityn 111 biryńǵai bailanys ortalyǵyna balalardan 110 999 ótinish túsken. Bul týraly Balalardyń quqyqtaryn qorǵaý komiteti málimdedi, dep habarlaidy Dalanews.kz.
Onyń ishinde 108 987 ótinish mektepter men kolledjderde ornalastyrylǵan QR kodtar arqyly, al 2 012 qońyraý telefon arqyly qabyldanǵan.
"Bailanys ortalyǵynyń jumysy barysynda 3 499 balaǵa psihologiialyq kómek kórsetildi, 1 602 ótinish boiynsha tiisti memlekettik organdarmen birlesip jedel qoldaý uiymdastyryldy", - dep jazylǵan habarlamada.
Eń kóp ótinish túsken óńirlerdiń qatarynda Almaty qalasy (9 160), Batys Qazaqstan (7 654) jáne Túrkistan (7 478) oblystary bar. Al eń tómen kórsetkishter Ulytaý (1 017), Soltústik Qazaqstan (1 738) jáne Abai (1 765) oblystarynda tirkelgen.
"Kún saiyn mamandar júzdegen balanyń janaiqaiyn estidi. Biri ýaiymyn, biri qorqynyshyn, endi biri otbasyndaǵy qiyndyqtary men ata-ana, dostar arasyndaǵy túsinispeýshilikterin bólisedi", - dedi QR Oqý-aǵartý ministrligi Balalardyń quqyqtaryn qorǵaý komitetiniń tóraǵasy Nasymjan Ospanova.
