Úndi muhitynda Somali jaǵalaýynan shyǵysqa qarai teńiz qaraqshylary munai tasymaldaityn júk kemesin basyp alǵan. Bul týraly Bloomberg agenttigi málimdedi, dep habarlaidy Dalanews.kz.
Ambrey Intelligence málimetinshe, shabýyldaýshylar jaqyn ornalasqan “ana keme” arqyly áreket etip, Hellas Aphrodite júk kemesine shamamen Mogadishodan shyǵysqa qarai 700 mil qashyqta kóterilgen.
Teńiz barlaý derekteri kórsetkendei, osy aptanyń basynda basqa kemelerge de shabýyl jasaý áreketteri tirkelgen.
Júk kemesin basqaratyn Latsco Marine Management kompaniiasy oqiǵany rastady. Keme Úndistannan Ońtústik Afrikaǵa benzin tasymaldap júrgeni habarlandy.
“Kompaniia shuǵyl áreket etý tobyn iske qosyp, ekipajdyń qaýipsizdigi men amandyǵyn qamtamasyz etý úshin tiisti organdarmen úilestirip jumys istep jatyr”, — delingen málimdemede.
Qaýipsizdik maqsatynda oqiǵanyń tolyq málimetteri jariialanbady.
Úsh qaýipsizdik qyzmetin kórsetetin kompaniia habarlaǵandai, shabýyl kezinde júk kemesinde qarýly kúzet bolmaǵan.
