Toqaev Joldaýyndaǵy mańyzdy tezis: Jańa Qazaqstan jastarǵa arqa súieidi
«Eńbekpen qamtityn túrli sharalar arqyly kelesi jyly 100 myń jasqa jumys berýimiz kerek. Jastardyń kásipkerlik bastamalaryna qoldaý kórsetile bermek. Olarǵa jeńildetilgen tártippen jyldyq ósimi 2,5 paiyz bolatyn shaǵyn nesie beriledi. Bul sharalar qoǵamnyń barynsha úilesimdi ári ádiletti bolýyna yqpal etedi», – dedi Qasym-Jomart Kemeluly.
Osy rette jastardy qoldaýǵa baǵyttalǵan naqty sheshimderge qatysty óz Dalanews.kz tilshisi saiasattanýshy Djabráiil Marhievtiń pikirin bilgen edi.
«Prezident Joldaýynda jas kásipkerlerdi qoldaý jaily aityldy. Bul búgingi tańdaǵy ózekti máselelerdiń biri edi.
Endi jastardǵa múmkindik berý arqyly biraz dúnieler sheshilmek. Mysaly, jastar arasyndaǵy jumyssyzdyq azaiady, iaǵni eńbek etetin jastar kóbeiedi, jumys oryndary ashylady. Kásibi mamandardyń sany artady.
Jańa Qazaqstannyń biligi tarapynan qoldaý kórgen jastar, on jyldan keiin Qazaqstannyń ekonomikalyq qozǵaýshy kúshi bolýy ábden yqtimal» dedi Djabráiil myrza.
Iá, elimizdegi jastardyń jan-jaqty, kreativti ekeni daýsyz. Endigi jerde sol býyn ókilderine Prezident joldaýy taǵy da tyń serpin berip, jańa múmkindikterdi iske asyrýǵa yqpal eteri anyq.
«Óz kezeginde bul jerde jańa daryndardyń, tyń ideiasy bar kásipkerlerdiń sany artady», – deidi sarapshy Marhiev.
«Elimizdegi jas azamattardyń ideialary, ásirese kásipkerlik jaǵynan izdenisteri erekshe. Álemdik deńgeiden qalǵysy kelmei, kóshpen birge keledi. Qazirgi Joldaýda aitylǵan jeńildetilgen nesie bolashaqta óz jemisin beretinine kámil senemin», – deidi siasattanýshy.
Sondai-aq Prezident Joldaýynda otandyq oqý oryndarynyń bilim sapasy, stýdentterdiń jatahanamen qamtamasyz etilýi de egjei-tegjeili sóz boldy.
«Otandyq joǵary oqý oryndarynyń bilim sapasy artqan saiyn ondaǵy oqý aqysy da óse túsedi. Sondyqtan memleket ulttyq biryńǵai testileýdiń nátijesine jáne basqa da kórsetkishterge bailanysty bilim berý granttaryn ártúrli deńgeide bólýdi josparlap otyr. Onyń kólemi 30-dan 100 paiyz aralyǵynda bolady. Bilim alýǵa jyldyq ósimi 2-3 paiyz bolatyn jeńildetilgen nesie de beriledi. Bul sharalar joǵary bilimniń qoljetimdiligin arttyryp qana qoimai, qoǵamda áriptestik jáne ózara jaýapkershilik qaǵidatyn nyǵaita túsedi», – dedi Prezident.
Saiasattaný jáne saiasi tehnologiialar kafedrasynyń PHD doktoranty Rýslan Ahmaǵanbetov jeńildetilgen nesie jaily oiyn bylai bildirdi.
«Bizde eldegi ýniversitetterdiń basym bóligi, mektepter siiaqty memleketten qarjylandyrylmaidy. Al joǵary oqý ordasynyń professorlyq-oqytýshy quramynyń jalaqysynyń ósýi, oqý ornynyń shyǵyndary, kommýnaldyq tólemderi tikelei osy stýdentterdiń oqý aqysyna táýeldi. Bizde qazir oqý aqysynyń joǵary bolýy da birinshiden osyǵan bailanysty.
Eger jyl saiyn baǵa óse berse, árine ata-analarǵa balalaryn oqytýda biraz qiyndyq týdyrary anyq. Osy rette prezident keshegi joldaýynda bilim alýǵa jyldyq ósimi 2-3 paiyz bolatyn jeńildetilgen nesie berýdi tapsyrýy durys sheshim dep esepteimin», – dedi saiasattanýshy.
Sonymen qatar Prezident stýdentter úshin ózekti bolyp otyrǵan jataqhana máselesin de Joldaýda aityp ótti.
«Kelesi mańyzdy másele – stýdentterdi jataqhanamen qamtamasyz etý. Bul túitkildi sheshý úshin joǵary oqý oryndarymen jáne qurylys kompaniialarymen memlekettik-jekemenshik seriktestik ornatý tásilin barynsha engizý kerek.
Sondai-aq, barlyq máseleniń sheshimin tabýdy memlekettiń moinyna ilý durys emes dep sanaimyn.Sol sebepti memleketten qarajat alý úshin jekemenshik joǵary oqý oryndarynyń jataqhanasy bolý shart. Árine, muny oqý oryndarynan birtindep talap etken jón. Stýdentterdiń jekelegen, áleýmettik turǵydan az qamtylǵan sanattary úshin páter jaldaýǵa ketetin shyǵynyn sýbsidiialaý múmkindigin de qarastyrýǵa bolady.Joǵary oqý oryndary janyndaǵy endaýment-qorlar bilim berý ekojúiesin damytýdyń negizgi býynyna ainalýǵa tiis. Maqsatty kapitaldyń mundai qorlary álemdegi ozyq ýniversitetterde ǵylymdy jáne innovatsiiany qarjylandyrýdyń ózegi sanalady», – dedi Qasym-Jomart Kemeluly.
«Bul rette baýyrlas túrik eliniń modelin keltirsem», – deidi Rýslan Ahmaǵanbetov.
«Mysaly Túrkiiada jataqhana máselesimen ainalysatyn arnaiy departamentter bar. Al qurylys kompaniialary egerde oqý aǵartý salalaryna qoldaý kórsetetin bolsa, salyqtyq jeńildikterge ie bolady. Kásipkerlermen seriktestik ornatqan kezde osyndai bir jaǵdaidy qarastyrý kerek siiaqty. Demek, memleket jeńildik jasaý arqyly áleýmettik infraqurylymdyq problemany sheshýge múmkindik týady.
Prezident tapsyrma berdi. Ony iske asyrýda qurylys kompaniialary bar, bilik ókilderi, joǵary oqý orny tarapy bar osy máselede bir júiege kelse», – deidi sarapshy.
Al QR prezidentiniń baspasóz hatshysy Rýslan Jeldibai óziniń áleýmettik jelisindegi paraqshasynda memleket basshysynyń Joldaýyna qatysty mynadai pikir bildirdi.
«Prezident sondai-aq Úkimetke jastarǵa arnalǵan jańa 100 myń jumys ornyn ashýdy, olarǵa kásibin ashý úshin 2,5 paiyzdyq jeńildetilgen nesie berýdi tapsyrdy. Iaǵni, jas órender maman, kásipker retinde qalyptasyp, qoǵamnyń tolyqqandy múshesine ainalýy tiis. Bul jastarǵa balyq emes, qarmaq berýdiń bir tásili» dep aityp ótti.
Prezident Toqaev Joldaý joldady, endi qoldaý ǵana emes, saiasi qujatta kórsetilgen mindetterdi tezdetip oryndaý da mańyzdy bolmaq.
