QR Prezıdenti Qasym-Jomart Toqaevtyń Qazaqstan halqyna Joldaýynda túrli jumyspen qamtý sharalarymen 100 myńǵa jýyq jas qamtylatynyn aıtqan bolatyn. Berilgen tapsyrma sheńberinde Túrkistan oblysynyń Keles aýdanynda naqty ister atqarylyp jatyr, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Bıyl Keles aýdany ákimdiginiń halyqty jumyspen qamtý oratylyǵynyń uıymdastyrýmen «2021-2025 jyldarǵa arnalǵan kásipkerlikti damytý jónindegi ulttyq joba» sheńberinde 5407 azamatty jumyspen qamtý sharasyna qatystyrý josparlanyp, 2022 jyldyń 8 aıynda 2890 azamat jumyspen qamtý sharasyna qatystyrylyp otyr.

Bul týraly aýdandyq halyqty jumyspen qamtý oratylyǵynyń dırektory N.Temirbaeva jalpy jumyssyz azamattarǵa arnalǵan bos jumys oryndary jármeńkesinde málimdedi.

Keles aýdanynda bos jumys oryndary jármeńkesi ótip, 57 jumys berýshi mekemesinen 30 turaqty bos jumys ornyn, jastar praktıkasyna – 86, «Kúmis jas» jobasyna – 6, qoǵamdyq jumystaryna 67 bos jumys ornyn usyndy. Sonymen qatar aýdan ákimdiginiń qaýlysyna sáıkes, múmkindigi shekteýli azamattardy jumyspen qamtý úshin aýdandaǵy 8 jumys berýshige 8 kvota bekitilip, 2 azamat joldanyp otyr. Al «Probasıa esebinde turǵan» azamattar úshin 7 jumys berýshige 7 kvota bekitilip, 2 azamat joldandy.

Aıta keteıik, bul jármeńkeden basqa, bıyl bekitilgen kestege sáıkes eki ret bos jumys oryndary jármeńkesi ótkizilgen bolatyn.