16 tamyz kúni Qonaev qalasynda aldaǵy oqý jylyna jáne oqý úderisine tsifrlyq tehnologiialardy belsendi engizýge arnalǵan bilim berý qyzmetkerleriniń oblystyq tamyz keńesi ótti, dep habarlaidy Dalanews.kz.
Sharaǵa 200-den astam adam qatysty. Kezdesýdi tikelei efirde oblys boiynsha 20.000 muǵalim tamashalady.
Plenarlyq otyrystyń moderatory Almaty oblysy ákiminiń birinshi orynbasary Nurlan Ábdirahym bolsa, otyrysty ashqan Qazaqstan Respýblikasynyń Bilim ministri Ǵani Beisembaev, qatysýshylarǵa beine úndeý joldady. Ótken oqý jylynyń qorytyndylary men jańa oqý jylynyń mindetteri týraly negizgi baiandamany bilim basqarmasynyń basshysy Saltanat Bespaeva jasady.
Jiynda bilim berýdi tsifrlandyrý máselelerine erekshe nazar aýdaryldy. Osy taqyryp boiynsha bilim berý sapasyn qamtamasyz etý basqarmasynyń basshysy Erjan Jirenbai men Y. Altynsarin atyndaǵy Ulttyq bilim akademiiasynyń vitse-prezidenti Rýslan Qaratabanov baiandama jasady.
Plenarlyq otyrys barysynda Almaty oblysynyń Bala quqyqtary jónindegi ýákili Aigúl Esimbekova, No38 mektep-gimnaziiasynyń direktory Gúlnár Asqarbaeva, "BILIM INVEST" Ulttyq bilim berý investorlarynyń qaýymdastyǵy men Almaty ekonomikalyq kolledjiniń ókilderi de sóz sóiledi.
"Bilim berýdegi tsifrlyq tehnologiialardy damytý – qazirgi zamannyń ózekti máseleleriniń biri. Memleket basshysy ustazdar sezinde atap ótkendei, bul salada túbegeili jańa tásilder qajet. Zamanaýi tehnologiialardy paidalaný bilim berý júiesin jyldam ári tiimdi jańǵyrtýǵa múmkindik beredi. Biz bilim salasyn úzdik halyqaralyq standarttarǵa sai damytýymyz kerek. Ásirese, oblysymyzda biýdjettiń jartysynan astamy bilim salasyna jumsalatynyn eskersek, bul árine bala úshin óte mańyzdy», - dedi Marat Sultanǵaziev. Sondai-aq oblysymyzda 1742 bilim oshaǵy bar ekenin jáne olardy qoldaýǵa oblystyq biýdjettiń jartysynan astamy bólingenin basa aitty. Bul qarajattyń basym bóligi muǵalimderdiń jalaqysyna túsedi. Osyndai qomaqty resýrstardy bilim berýge jumsai otyryp, – balalarymyzǵa sapaly bilim berilýin kútemiz.
Jas daryndardyń jetistikterine toqtalǵan óńir basshysy: "145 oqýshymyz oqý olimpiadasynyń jeńimpazy atansa, respýblikalyq aýyl olimpiadasynda oblys quramasy ekinshi oryndy ielendi. Bul óńirdegi qala mektepteriniń de, aýyl mektepteriniń de sapaly bilim alýǵa tolyq múmkindigi bar ekenin kórsetedi", - dedi óz sózinde.
Jiyn qorytyndysy boiynsha oblys ákimi Marat Sultanǵaziev ulaǵatty ustazdarǵa marapattar tabys etti. 11 muǵalim Qurmet gramotasymen, 19 muǵalim alǵys hatpen marapattaldy. Sondai-aq "Y.Altynsarin" tósbelgileri, "Eńbek ardageri" jáne "Bilim berý isiniń úzdigi" medaldarymen marapattaldy.
Shara áserli oqiǵamen aiaqtaldy: oblys ákiminiń bastamasymen jáne kásipodaq uiymdarynyń qoldaýymen "Meiirim" qaiyrymdylyq aktsiiasy aiasynda balalar úiiniń tárbielenýshisi Marina Qudashovaǵa 30 million teńgeniń sertifikaty tabys etildi.
