Halyqaralyq seminardyń maqsaty – tsifrlyq ýniversitettiń máni, ereksheligi jáne tehnologiiasyn talqylaý, Abai atyndaǵy QazUPÝ-de Bilimdi aqparattandyrý jáne bilim tehnologiialary máseleleri halyqaralyq ǵylymi zerthanasyn ashý.
Seminar jumysyna Abai atyndaǵy QazUPÝ-niń rektory Takir Balyqbaev, MQPÝ-niń professory Sergei Grigorev, MQPÝ-niń professory Vadim Grinshkýn, V.P. Astafev atyndaǵy KMPÝ-niń professoryNikolai Pak, Abai atyndaǵy QazUPÝ-niń birinshi prorektory Maktaǵali Bektemesov, p.ǵ.d., professor Esen Bidaibekov, professor Bahytjan Ahmetov, Q. Sátbaev atyndaǵy QazUTZÝ jáne ál-Farabi atyndaǵy QazUÝ, Almaty qalasy boiynsha «Órleý» BAUO AQ ókilderi, «Bolashaq» halyqaralyq baǵdarlamasy (Tehas ýniversitet) boiynsha biliktilikti arttyrý kýrsynyń túlegi Gúlzada Serjan qatysy.
Seminar barysynda Ýniversitet rektory Takir Balyqbaev halyqaralyq seminardyń mańyzdylyǵyn atap ótti: «Bilim jáne ǵylym elimizdiń áleýmettik-ekonomikalyq kapitalyn damytýdyń negizgi faktorlary bolyp tabylady. Damyǵan jáne damýshy elderdiń tájiribesi kórsetkendei, tsifrlyq bilim berý tehnologiialaryn engizý Qazaqstan Respýblikasynyń bilim berýaqparattyq infraqurylymynyń dúniejúzilik bilim berý ortasynmen integratsiialanýyna yqpal etedi. Halyqaralyq Qazaqstan-Resei seminaryn ótkizý Ýniversitetimiz úshin mańyzdy oqiǵa bolyp tabylady, árine, ǵylymi zertteýler protsesin jetildirýde óz úlesin qosyp, jemisti jumystardy atqarýǵa yntalandyrady. Bilim berý úrdisinde tsifrlyq tehnologiialardy qoldaný máselelerin talqylaý jańa zerthana qyzmetiniń negizin jáne zertteý baǵytyn aiqyndaityn tájiribelik usynystardy ázirleýge múmkindik beredi. Ýniversitetimizdiń bazasynda seriktesterimiz – Máskeý qalalyq pedagogikalyq ýniversitetimen jáne V. P. Astafev atyndaǵy Krasnoiar memlekettik pedagogikalyq ýniversitetimen birlese ashylǵan halyqaralyq ǵylymi zerthana bilim berýdi tsifrlandyrýda kúsh biriktire otyryp, kúrdeli mindetterdiń oryndaýyna múmkindik beredi».
[caption id="attachment_34397" align="aligncenter" width="788"]
MQPÝ-niń professory Sergei Grigorev, MQPÝ-niń professory Vadim Grinshkýn, V.P. Astafev atyndaǵy KMPÝ-niń professory Nikolai Pak baiandamalarynda aqparattardy tsifrlyq óńdeý erekshelikteri, muǵalimderge arnalǵan baǵdarlamalyq quraldar, STEM-tehnologiialardy (STEM – science, technology, engineering, mathematics) paidalaný arqyly zertteý daǵdylaryn damytý jáne tsifrlyq ýniversitettiń aqparattyq bilim berý ortasyn qalyptastyrý aiasynda joǵary oqý ornyn aqparattandyrýdyń júielik tásilderi, ýniversitetti «tsifrlandyrýdyń» 40 ideialary, bilim berýdiń jahandaný jaǵdaiynda mega-sabaqtardy uiymdastyrý jáne ótkizý týraly aityldy. Sondai-aq, QazUPÝ-niń tsifrlyq pedagogikalyq ýniversitet bolyp qalyptastýy úshin «Bilim berýdegi tsifrlyq tehnologiialar» kýrsyn ótkizý týraly usynys jasalynyp, tsifrlyq ýniversitet qurýdaǵy teoriialyq jáne tájiribelik tásilder; bilim berýde tsifrlyq tehnologiialardy tiimdi paidalaný úshin pedagogtardy daiarlaý júiesin qalyptastyrý; tsifrlyq ýniversitette stýdentterdi daiarlaý tehnologiialary men quraldary talqylandy. Úsh kúndik seminar aiasynda dóńgelek ústelder uiymdastyryldy.
Rektor Takir Balyqbaev seminardy qorytyndylai kele, Abai atyndaǵy QazUPÝ pedagogikalyq bilim berý ortalyǵy retinde tsifrlyq pedagogikalyq ýniversitet úlgisi bolýy kerektigine toqtaldy. Ol úshin STEM-tehnologiialardyń damýyna, sonymen qatar robototehnika salasyndaǵy jas ǵalymdarymyzdyń týyndylaryna qoldaý kórsetiletindigin aitty. Rektor atalmysh seminardyń uiymdastyrýshylaryna jáne qatysýshylaryna alǵysyn bildirip, aldaǵy ýaqytta jańa ǵylymi zerthana jumysyna jetistik tiledi.
Seminar sońynda qatysýshylarǵa sertifikattar tabys etildi.
Rimma JANBAEVA
