Syr óńiri indýstriialandyrý baǵdarlamasyn nátijeli oryndaýda
Atap aitar bolsaq, 2015-2017 jyldardyń aralyǵynda qurama jem zaýyty, úi qurylysy kombinaty sekildi 4 birdei kásiporyn ashylyp, 400-dei adam jumyspen qamtylǵan.
Óńir basshylyǵy údemeli damýdyń ekinshi 5 jyldyǵynda aimaqtaǵy tehnikalyq mamandarǵa degen suranysty 5 myńǵa deiin arttyrýdy kózdep otyr.
Aitalyq, aldaǵy ýaqytta Aral aýdanynda salynatyn kaltsiilendirilgen soda shyǵarý zaýytyna polimer, tehnolog-himikter aýadai qajet. Al Qarataýdyń qoinaýyndaǵy qorǵasyn-myrysh jáne vanadii kenishterin igerýge injener-metallýrgter kerek.
Bul oraida qajetti mamandardy shetelden ákelmeý maqsatynda aimaq jastary 3 jyldan beri Reseidiń ozyq tehnikalyq oqý oryndarynda bilim alyp jatyr.
Jergilikti mamandardyń alǵashqy legi óńir kásiporyndaryna kelesi jyldan bastap jumysqa qabyldana bastaidy.
Aimaqtyq oblystyq indýstrialdy-innovatsiialyq damý basqarmasy basshysynyń orynbasary Janar Berdenovanyń aitýynsha, ázirgi kúni negizinen taý-ken isi, mashina jasaý, metallýrgiia salasynyń mamandary men óndiristi avtomattandyrý salasy boiynsha mamandar daiarlanýda.
Al aldaǵy jyly iske qosylatyn shyny zaýytyna bilikti mamandardy ázirleý úshin Qyzylorda qalasyndaǵy Ábdikárimov atyndaǵy agrotehnikalyq kolledjde shyny balqytý mamandyǵy ashylyp, oqytý jumystary júrgizilýde.
Aita ketelik, shyny zaýytyna 180-dei jańa shyny kesetin jáne balqytatyn mamandar qajet. Osy jerde oqýyn bitirgen mamandar shyny zaýytyna jumysqa alynatyn bolady.
