Investısıalar jáne damý mınıstriniń birinshi orynbasary Alık Aıdarbaevtyń aıtýynsha, óndiriske sıfrly tehnologıany engizý – zaman talaby. Qazaqstan jahandyq úderisten keıindep qalmaýy tıis.
Tehnologıa jalpy ishki ónimniń ósimine yqpal etedi. Sonymen qatar kásiporyndardyń básekege qabilettiligin arttyrady. Qazir elimizde ındýstrıalandyrý 4.0 elementteri bar «14 aqyldy joba» óndiriske engizildi. Bul jumysty avtomattandyrýǵa múmkindik beredi. Ózge de óndiris oryndarynda daıyndyq júrgizilip jatyr. Aıta keteıik, ındýstrıalandyrýǵa qatysty myńnan asa joba júzege asyrylyp, 100 myńnan artyq turaqty jumys orny ashyldy.
Alık Aıdarbaev, QR Investısıalar jáne damý mınıstriniń birinshi orynbasary:
– Sarapshylardyń aıtýy boıynsha, tek qana eńbek ónimdiligi 10-20 paıyzǵa artady. Sıfrlandyrý, ındýstrıalandyrý 4.0 tehnologıasyn engizý úshin ınvestısıalar kerek. Al salǵan ınvestısıanyń paıdasy odan artyq bolady. Sondyqtan barlyq memleketter osyny qolǵa alyp jatyr.
