AQSh-ta bilim alyp júrgen qazaqstandyq stýdentter sany bir jylda 14,4%-ǵa artty, dep habarlaidy dalanews.kz.
IIE Open Doors 2025 esebine sáikes, 2023/24 oqý jylynda AQSh kolledjderi men ýniversitetterinde Qazaqstannan 2712 stýdent oqysa, 2024/25 oqý jylynda olardyń sany 3102 adamǵa jetken.
Jalpy 2024/25 oqý jylynda AQSh-ta 1,18 million sheteldik stýdent bilim alǵan. Bul ótken jylmen salystyrǵanda 5%-ǵa kóp. Sheteldik stýdentter sany boiynsha Úndistan kósh bastap tur. Bul elden AQSh-ta 363 myń stýdent oqidy. Ekinshi orynda 266 myń stýdentpen Qytai ornalasqan.
Postkeńestik elder arasynda AQSh-ta bilim alatyn stýdentter sany boiynsha Resei alda keledi. 2024/25 oqý jylynda bul elden 4948 stýdent tirkelgen. Qazaqstan 3102 stýdentpen ekinshi orynda tur. Sondai-aq AQSh-ta Ýkrainadan – 2346, Qyrǵyzstannan – 1386, Ázerbaijannan – 1329, Ózbekstannan – 1310, Grýziiadan – 1040, Armeniiadan – 525, Túrikmenstannan – 447, Belarýsten – 411 jáne Tájikstannan 234 stýdent bilim alyp júr.
