ەلىمىزدىڭ وڭدەۋ ونەركاسىبى مەن تاۋ-كەن مەتاللۋرگيا سەكتورىنداعى 600-دەن استام كاسىپورىننىڭ يندۋستريا 4.0 ەلەمەنتتەرىن ەنگىزۋگە بايلانىستى ازىرلىگى زەرتتەلدى. ناتيجەسىندە وڭدەۋ ونەركاسىبىنىڭ 20 پايىزى، ال تاۋ-كەن سەكتورىنىڭ 40 پايىزى وسى تەحنولوگيامەن جۇمىس ىستەۋگە دايىن ەكەندىگى انىقتالدى.

ينۆەستيسيالار جانە دامۋ ءمينيسترىنىڭ ءبىرىنشى ورىنباسارى اليك ايداربايەۆتىڭ ايتۋىنشا، وندىرىسكە سيفرلى تەحنولوگيانى ەنگىزۋ – زامان تالابى. قازاقستان جاھاندىق ۇدەرىستەن كەيىندەپ قالماۋى ءتيىس.

تەحنولوگيا جالپى ىشكى ءونىمنىڭ وسىمىنە ىقپال ەتەدى. سونىمەن قاتار كاسىپورىنداردىڭ باسەكەگە قابىلەتتىلىگىن ارتتىرادى. ءقازىر ەلىمىزدە يندۋستريالاندىرۋ 4.0 ەلەمەنتتەرى بار «14 اقىلدى جوبا» وندىرىسكە ەنگىزىلدى. بۇل جۇمىستى اۆتوماتتاندىرۋعا مۇمكىندىك بەرەدى. وزگە دە ءوندىرىس ورىندارىندا دايىندىق جۇرگىزىلىپ جاتىر. ايتا كەتەيىك، يندۋستريالاندىرۋعا قاتىستى مىڭنان اسا جوبا جۇزەگە اسىرىلىپ، 100 مىڭنان ارتىق تۇراقتى جۇمىس ورنى اشىلدى.

اليك ايداربايەۆ، ق ر ينۆەستيسيالار جانە دامۋ ءمينيسترىنىڭ ءبىرىنشى ورىنباسارى:

– ساراپشىلاردىڭ ايتۋى بويىنشا، تەك قانا ەڭبەك ونىمدىلىگى 10-20 پايىزعا ارتادى. سيفرلاندىرۋ، يندۋستريالاندىرۋ 4.0 تەحنولوگياسىن ەنگىزۋ ءۇشىن ينۆەستيسيالار كەرەك. ال سالعان ينۆەستيسيانىڭ پايداسى ودان ارتىق بولادى. سوندىقتان بارلىق مەملەكەتتەر وسىنى قولعا الىپ جاتىر.