Jergilikti jerdegi jýrnalister qaýymymen kezdesken ShQO Memlekettik kirister departamenti basshysy orynbasarynyń mindetin atqarýshy Botagóz Ildebaeva bul zań 2022 jyldyń 1 naýryzynan bastap iske qosylatynyn alǵa tartty.
Jańa zańda «mobildi tólem» uǵymnyń keńinen túsinik berilip, oǵan qolma-qol aqshasyz elektrondy formada tólem júiesi bolmasa soǵan uqsas arnaiy qurylǵylar – mobildi qosymsha, shtrihkod arqyly tólem júrgizetin shaǵyn kásipkerler men kásippen ainalysaýshylardyń is-áreketterine keńinen túsinik berilgen bolatyn. Sonymen qatar zańdy tulǵalardyń da mobildi tólemdi qalai júzege asyrýy aiqyndalǵanyn atap ótýimiz kerek.
Óz kezeginde ShQO Memlekettik kirister departamentiniń ókili mobildi tólemderge qatysty Salyq zańnamasyna enigizilgen ózgeristerdi salyq salý isimen shatastyrmaý kerektigin alǵa tartty.
– Qazirgi tańda satyp alýshy qandaida taýar men qyzmetke aqy tólegende kásipkerge moblildi qosymshasy arqyly QR-kodty paidalanyp aqy tóleitini belgili. Osylaisha jeke tulǵa ózine qatysty máselelerin mobildi aýdarymdarmen júzege asyryp keldi. Zań shyǵarýshy organ ókilderi engizgen ózgeriske sáikes, jekelegen azamattar burynǵydai mobildi tólemderdi júzege asyra beredi. Bul zań talaptaryna qurmetpen qaraityn kásipkerlerdiń kassalyq tártipti saqtaýy úshin engizilgen, – dep atap ótti Botagóz Ildebaeva.
Osylaisha spiker zańnamaǵa enigizilgen ózgeris salyqtyq monitoringtiń tiimdiligin arttyryp, Qazaqstan Respýblikasy zańnamalarynyń saqtaýǵa jáne salyqtan jaltarýshylardyń jol kesetinin alǵa tartty.
Budan jeke adamdardyń mobildi tólemderinen salyq ustalynbaitynyn jáne salyq organdaryna eshqandai málimet berilmeitinin de atap ótti.
– Salyq zańnamasyna enigizilgen ózgerister mobildi tólemdi jeke azamattar álde jeke kásipkerlerdiń júzege asyrǵanyn anyqtaýǵa múmkindik beredi. Bul másele buǵan deiinde elimizde biznes jáne bank ókilderimen talqylanǵan bolatyn. Osy rette el azamattary salyq organdaryna kelip túsetin tólem týraly jeke málimetteri úshin alańdaýyna eshqandai negiz joq. Óitkeni salyq organdaryna tek qana jeke kásipkerlerdiń tólemderine qatysty málimetter kelip túsedi, – dedi Botagóz Ildebaeva.
Osy rette departament ókili bul máselege shaǵyn kásipkerlerdiń alańdaýyna negiz ekenin de aitty. Óitkeni elimizde jeke kásipkerler úshin birneshe jeńildetilgen salyqtyq rejim jumys isteitini belgili. Aitalyq, jeke kólikterimen taksi júrgizýshisi bolyp jumys isteitin azamattary arnaiy patenttik rejimdi paidalanýyna bolady. Bul rejim boiynsha jeki kásipkerdiń jyldyq tabysy 10,3 mln teńgeden asyp ketpeýi tiis.
