Forým jumysyna SHQO ákimniń birinshi orynbasary Almashan Smatlaev, Sybaılas jemqorlyqqa qarsy kúres qyzmetiniń basshysy Erlan Jalmaǵambet, ákimdik qyzmetkerleri, JOO rektorlary, qoǵam belsendileri, jastar men BAQ ókilderi qatysty.
SHQO ákiminiń birinshi orynbasary Almashan Smatlaev óziniń kirispe sózinde oblys basshysy Danıal Ahmetovtyń forým jumysyna qatysýshylarǵa arnalǵan quttyqtaýyn oqýyp berdi.
Oblys basshysy quttyqtaý hatynda sala qyzmetkerlerin Halyqaralyq sybaılas jemqorlyqqa qarsy kúres kúnimen quttyqtap, olardyń jumysyna tabys tilepti.
Danıal Ahmetov quttyqtaý hatynda qazirgi tańda ákimdiktegi memlekettik qyzmetshiler «halyq únine qulaq asatyn memleket» tujyrymdamasyn basym baǵytqa aınaldyryp, halyqpen tyǵyz jumys istep jatqanyn, sonymen qatar sybaılas jemqorlyq áreketterdiń boldyrmaýǵa, búdjet qarajattaryn bólýdi ashyqtyqty qalyptastyryp, jumys úrdisterine sybaılas jemqorlyqqa qarasy standarttardy engizip jatqandaryn atap ótipti.
El Táýelsizdiginiń 30 jyldyǵynda sybaılas jemqorlyqqa qarasy kúres salasynda mańyzdy reformalar qolǵa alynyp, jemqorlyqpen kúresýdiń qazaqstandyq modeli qalaptasqany belgili.
– Kez kelgen reformanyń jemisti bolǵanyn qarapaıym halyqtyń máselesin sheship, máselesin rettegenimen ólshenýi tıis. Sol sebepti bizdiń qyzmetkerler el azamattarynyń sybaılas jemqorlyqtan japa shekpeýi úshin bar kúsh-jigerin jumysap jumys isteýde, – dep atap ótti Sybaılas jemqorlyqqa qarsy kúres qyzmetiniń basshysy Erlan Jalmaǵambet.
Forým barysynda sybaılas jemqorlyqtyń aldyn alý úshin kúresip júrgen túrli sala mamandary arasynda baıqaý uıymdastyrylyp, olardyń eńbegin baǵalap, marapattady.
Osy rette sybaılas jemqorlaqpen kúresip júrgen jýrnalıser arasyndaǵy baıqaýdyń jeńimpazdary anyqtalyp, syı-sıapatqa ıe bolǵanyn aıta ketýimiz kerek. Forým sońynda «Adal bol, adam bol!» degen uranmen flesh-mob uıymdastyryldy.
