Ál-Farabı atyndaǵy Qazaq Ulttyq ýnıversıteti – armandar júzege asady!
Qazaq eliniń bilimi men ǵylymynyń negizgi qara shańyraǵy –Ál-Farabı atyndaǵy Qazaq ulttyq ýnıversıteti bıyl seksen jyldyq mereıtoıyn atap ótse, osy bilim ordasynyń jas qanaty – shyǵystaný fakúltetiniń ashylǵanyna jıyrma bes jyl tolyp otyr.
Shyǵystaný fakúlteti Qazaqstan Respýblıkasy kóleminde«shyǵystanýshy» mamandyǵy boıynsha kadrlar daıyndaıtyn birden-bir bazalyq fakúltet bolǵandyqtan, munda oqý úderisi men ǵylymı-zertteý jumystary qazirgi zaman talabyna saı júrgizilýde. Bul rette shyǵystaný fakúltetiniń orny erekshe. Al shyǵyspen qarym-qatynasta meniń oıymsha, ásirese, Qazaqstan men Qytaı arasyndaǵy, eki el mádenıeti, tarıhty biriktirýshi altyn kópirdiń rólin bergen sıaqty. Qytaı kafedrasyn qazirgi ýaqytta Qazaqstannyń basqa shyǵys elderimen qarym-qatynasynyń, olardyń tarıhy men ekonomıkasyn jáne mádenıettiń, sonymen qatar qazaq halqynyń óz tarıhyn zertteý úshin shyǵystanýshy mamandarǵa degen qajettiligin, joǵary sapaly kadrlarmen qamatamasyz etip otyrǵan negizgi oqý ordasy.
Qytaıtaný kafedrasynda Nábıjan Muhametqanuly bastaǵan bilikti mamandar shoǵyrlanǵan. Oqý-tárbıe úderisi men ǵylymı-zertteý jumysy úzdik sanalatyn,joǵary deńgeıde bilim kórsete biletin kásibı mamandardy daıarlaýǵa baǵyttalǵan. Qazaqstan shyǵystanýynyń basty ortalyǵy. Eger de qytaıtanýshy kim degen suraq týyndasa,onda bizdiń qytaıtaný mamandyǵy boıynsha bilim alyp jatqan ár stýdent bylaı jaýap berer edi:«Qytaıtanýshy- bul maman. Kem degende shyǵystyń bir tilin, birneshe batys tilderin, aýyzsha jáne jazbasha aýdarmanyń daǵdylaryn ıgergen. Oqıtyn aımaqtyń dinin, quqyǵyn, ádebıetin, dástúrli mádenıetin tolyq jáne jan-jaqty meńgergen básekege qabiletti maman ıesi» - dep.
Ál-Farabı atyndaǵy Qazaq ulttyq ýnıversıtetiniń, qytaıtaný kafedrasy Qytaıdaǵy sheteldik áriptesterimen keń kólemde baılanys jasaıdy. Qazaqstan Respýblıkasyndaǵy Qytaı Halyq Respýblıkasynyń elshiligimen, Almaty qalasyndaǵy QHR bas konsýlymen jáne Ál-Farabı atyndaǵy Qazaq ulttyq ýnıversıtetiniń janynan qurylǵan Konfýsıı ınstıtýtymen, QR-daǵy QHR-nyń bankimen óte tyǵyz baılanysta. Kafedranyń barlyq oqytýshylary Qytaıdyń Pekın, Lánchjoý, Haınan, Tánszın, Anhoý jáne taǵy basqa iri qalalarynda tildik tájirıbeden jáne akademıalyq daıyndyqtardan ótken. QazUÝ-niń qytaıtaný kafedrasynyń qazirgi tańda qolǵa alyp otyrǵan jańa baǵdarlamasy, QHR Lánchjoý ýnıversıtetimen birige otyryp, «eki dıplomdy bilim» baǵdarlamasynyń 2013 oqý jylynan bastap júzege asýda. QazUÝ-de 1,2 kýrsty oqyp, sosyn 3,4 kýrsta Qytaıda bilim ala otyryp, ári sol eldiń dıplomyn alýǵa múmkindik berý –Qazaqstandaǵy joǵary oqý oryndary boıynsha tek Ál-Farabı atyndaǵy Qazaq ulltyq ýnıversıtetine ǵana tán erekshelik. Ózim osy baǵdarlama boıynsha bilim alyp jatqan stýdentterdi, shet tilinen bilim beretin alǵashqy ustazdary bolǵanyma maqtanamyn. Ári bilim alýshy stýdenitterimniń armanyndaǵy ýnıversıtetinde oqı otyryp, ári shetelde de bilim ala alatyndyǵyna zor qýanyshpen qaraımyn.Bul baǵyt joǵary oqý ornynyń bilim sapasyn arttyryp, bilikti mamandar daıaarlaýǵa, ǵylymı zertteýler, ýnıversıtettiń álemdik bilim berý keńistiginde básekelesýge qabiletti bolý turǵysynan ýnıversıtettiń strategıalyq damý deńgeıiniń atalmysh oqý ornynyń ataýymen dálme-dál sáıkes kelýi dep aıta alamyn. Qytaıtaný kafedrasyn bitirýshiler qazirgi tańda elimizdiń túrli joǵary oqý oryndarynda, ǵylymı-zertteý uıymdarynda, syrtqy ister mınıstrliginde, túrli memlekettik qyzmetterde, sheteldik kompanıalarda tabysty qyzmetter atqarýda.
Mine, dál osyndaı sebeptermen talaı túlektiń armanyna aınalǵan Ál-Farabı atyndaǵy Qazaq ulttyq ýnıversıtetindegi Shyǵystaný fakúlteti kóptegen jas qytaıtanýshy mamandardy daıarlap, bolashaqta ulttyq ýnıversıtetten túlek ushyryp, osyndaǵy ustazdary men shet elde alǵan bilimderin táýelsiz elimizdiń damyp, órkendeýine jumsap, Qazaqstanymnyń bolashaǵyna óz úlesterin qosatynyna kámil senemin.
Ál Farabı atyndaǵy Qazaq Ulttyq Ýnıversıteti
Shyǵystaný fakúlteti qytaıtaný kafedrasynyń
oqytýshysy Shárıpqazy Nurtálip
4 kýrs stýdenti Jaqsylyq Bolatbekuly
