QazUÝ muǵalimderi stýdentter jataqhanasynda kezekshilik jasaý kóp jyldan beri Qara shańyraqta dástúrge ainalyp kele jatqan árbir muǵalim úshin mindetti shara bolyp esepteledi. Qytaitaný kafedrasynyń muǵalimderi fakýltet aimaǵynda ornalasqan 14-jataqhanada kezekshilik kezinde mindetti nárseni paidaly is-sharalarmen de ushtastyryp jatady. Osyndai ónegeli is-sharanyń biri retinde 21 jeltoqsan kúni kafedra aǵa oqytýshysy N.Sháripqaziniń kezekshiligi kezinde «Ainalańdy nurlandyr» jobasy aiasynda uiymdastyrylǵan «Qytai taǵamdarymen tanys bolaiyq» atty sheberlik synybyn aitýǵa bolady. Bul sheberlik synyptyń basty maqsaty-stýdentterdi kórshiles Qytai eliniń tez daiyndalatyn taǵamdarymen tanystyrý ári qytai tilin oqyp jatqan bakalavriat stýdentteri men magistranttardy bir-birimen etene aralasýyna sep bolý.
Keshe ǵana mektep tabaldyryǵynan úlken ómirge samǵap ushqan 1 kýrs stýdentteri ustazdarymen birge tańsyq tamaqtar daiyndap, ári magistrant qurbylarymen jaqyn tanys-bilis bolyp qaldy. Stýdentter jáne magistranttar ustazdarymen birge qytai taǵam mázirinen jyldam daiyndalatyn «Chaý mifan», «Huńshaý chietszy», «Tsý liý baitsai» jáne «Tsziýtsai chaý tszidan» taǵamdaryn daiyndady. Atamyz qazaq «óle jegenshe bóle je» degendei, stýdentter ustazdarymen birge jasaǵan osy dámdi taǵamdardy korei jáne japon tilderin oqyp jatqan ózge de qurbylarymen bólisti. Bul der kezinde ótkizilgen paidaly, qyzyqty ári ózge ustazdar ónege alatyndai is-shara boldy.
Qytaitaný kafedrasy
«Shyǵystaný» mamandyǵynyń
4-kýrs stýdenti: Kábesova Móldir.
Jetekshisi: Sháripqazy Nurtálip
