قازۇۋ مۇعالىمدەرى ستۋدەنتتەر جاتاقحاناسىندا كەزەكشىلىك جاساۋ كوپ جىلدان بەرى قارا شاڭىراقتا داستۇرگە اينالىپ كەلە جاتقان ءاربىر ءمۇعالىم ءۇشىن مىندەتتى شارا بولىپ ەسەپتەلەدى.  قىتايتانۋ كافەدراسىنىڭ مۇعالىمدەرى  فاكۋلتەت ايماعىندا ورنالاسقان 14-جاتاقحانادا كەزەكشىلىك كەزىندە  مىندەتتى نارسەنى پايدالى ىس-شارالارمەن دە ۇشتاستىرىپ جاتادى. وسىنداي ونەگەلى ءىس-شارانىڭ ءبىرى رەتىندە  21 جەلتوقسان كۇنى كافەدرا اعا وقىتۋشىسى ن.ءشارىپقازىنىڭ  كەزەكشىلىگى كەزىندە «اينالاڭدى نۇرلاندىر» جوباسى اياسىندا  ۇيىمداستىرىلعان  «جۇڭگو تاعامدارىمەن تانىس بولايىق» اتتى شەبەرلىك سىنىبىن ايتۋعا بولادى.  بۇل شەبەرلىك سىنىپتىڭ باستى ماقساتى-ستۋدەنتتەردى كورشىلەس جۇڭگو ەلىنىڭ تەز دايىندالاتىن تاعامدارىمەن تانىستىرۋ ءارى جۇڭگو ءتىلىن وقىپ جاتقان باكالاۆريات ستۋدەنتتەرى مەن ماگيسترانتتاردى بىر-بىرىمەن ەتەنە ارالاسۋىنا سەپ بولۋ.

كەشە عانا مەكتەپ تابالدىرىعىنان ۇلكەن ومىرگە سامعاپ ۇشقان 1 كۋرس ستۋدەنتتەرى ۇستازدارىمەن بىرگە تاڭسىق تاماقتار دايىنداپ، ءارى ماگيسترانت قۇربىلارىمەن جاقىن ءتانىس-بىلىس بولىپ قالدى. ستۋدەنتتەر جانە ماگيسترانتتار ۇستازدارىمەن بىرگە   جۇڭگو تاعام مازىرىنەن جىلدام دايىندالاتىن «چاۋ ميفان»،  «حۇڭشاۋ چيەسزى»،  «سۋ ليۋ بايساي» جانە  «سزيۋساي چاۋ سزيدان» تاعامدارىن دايىندادى.  اتامىز قازاق «ولە جەگەنشە بولە جە» دەگەندەي،  ستۋدەنتتەر ۇستازدارىمەن بىرگە جاساعان وسى ءدامدى تاعامداردى كورەي  جانە جاپون تىلدەرىن وقىپ جاتقان وزگە دە قۇربىلارىمەن ءبولىستى.  بۇل   دەر كەزىندە وتكىزىلگەن پايدالى، قىزىقتى ءارى وزگە ۇستازدار ونەگە الاتىنداي ءىس-شارا بولدى.

 

قىتايتانۋ كافەدراسى

«شىعىستانۋ» ماماندىعىنىڭ

                      4-كۋرس ستۋدەنتى:   كابەسوۆا ءمولدىر.

جەتەكشىسى: ءشارىپقازى ءنۇرتالىپ