Saýran aýdanynyń ákimi taǵaiyndaldy
QR Konstitýtsiiasynyń 87-babyna sáikes, QR Prezidenti Ákimshiliginiń kelisimimen jáne Saýran aýdandyq máslihaty depýtattarynyń biraýyzdan qoldaýymen, Saýran aýdany ákiminiń laýazymyna buǵan deiin oblys ákimi apparaty basshysynyń orynbasary qyzmetin atqaryp kelgen Ǵani Qurmashuly Rysbekov taǵaiyndaldy. Oblys ákimi Ómirzaq Shókeev Saýran aýdanynyń ákimine aldaǵy jumysyna sáttilik tilei otyryp, abyroily eńbek etetinine senim bildirdi.
– Ózderińizge belgili, 2018 jyly Qazaqstannyń Tuńǵysh Prezidenti Nursultan Nazarbaev Túrkistan oblysyn qurý týraly Jarlyqqa qol qoiyp, osylaisha, Elbasy qabyldaǵan strategiialyq sheshim kúlli túrki jurtynyń rýhani astanasy bolǵan Túrkistannyń qaita túleýine úlken serpinis berdi. Aǵymdaǵy jylǵy 12 naýryzdaǵy Jarlyǵymen Memleket basshysy Qasym-Jomart Toqaev ortalyǵy Shornaq aýylynda ornalasqan, quramyna 12 aýyl okrýgi engizilgen Saýran aýdany qurylǵan bolatyn. Bul – úlken jeńis, tarihi oqiǵa. Búgingi tarihi sátpen Saýran aýdanynyń halqyn quttyqtaimyn. Saýran aýdanynda úlken potentsial bar. Jańa aýdanǵa tájiribeli arnaiy ákimdi taǵaiyndap otyrmyz. Aýdan ekonomikasyn kóterýge bar tájiribesin, bilimin, kúsh-jigetir jumsaidy dep senemin. Aýdan qaita boi túzep kele jatqan Túrkistan qalasymen shektesedi, sondyqtan, Saýran aýdanyna erekshe kóńil bólinedi. Basty maqsat – aýdan halqyna barynsha qolaily turmystyq jaǵdailar jasaý. Aýyl, eldi mekenderimizdi jaily, qaýipsiz, taza da kórikti aýmaqqa ainaldyrý. Jańadan taǵaiyndalǵan aýdan basshysyna depýtatattarmen jáne aýdan aktivimen birlesip, osy mindetterdi sheshýdi tapsyramyn, – dedi Ómirzaq Estaiuly.
Túrkistan oblysynyń ákimi jańa aýdannyń alǵashqy ákimine basty nazar aýdaratyn birqatar máselelerge toqtalyp, naqty tapsyrmalar júktedi. Atap aitqanda, jańadan aýdandyq qurylym bólimderin qurýdy, sáýleti zamanaýi talaptarǵa sai aýdan ortalyǵynyń qurylys jumystaryn bastap, qarqyndy júrgizýdi, jańa óndiris oryndaryn ashyp, aýdan turǵyndaryn jumyspen qamtamasyz etý máselelerin sheshýdi tapsyrdy. Sondai-aq, aýyl sharýashylyǵy jerlerin tiimdi paidalaný, egistikti sýarýdyń ozyq tájiribelerin engizýdi, investitsiia tartyp, ónim kólemin arttyrý, aýdandaǵy infraqurylymdy damytýdy mindettedi.
Ǵani Rysbekov ózine senim artqan barsha azamattarǵa alǵys aityp, jańadan qurylǵan Saýran aýdanynyń damýy men órkendeýi jolynda bar kúsh-jigerin jumsaitynyn aitty.
Ǵ.Q. Rysbekov 1962 jyl 8 sáýirde Túrkistan qalasynda týylǵan. Qazaq, bilimi joǵary. 1986 jyly Tselinograd aýyl sharýashylyǵy institýtyn ǵalym agronom mamandyǵy, 2005 jyly Q.A.Iasaýi atyndaǵy Halyqaralyq Qazaq-Túrik ýniversitetin qarjyger mamandyǵy boiynsha bitirgen. Eńbek jolyn 1979 jyly Túrkistan qalasynda Chapaev atyndaǵy kolhozda jumysshy bolyp bastaǵan. 1980-2015 jyldar aralyǵynda Túlkibas jemis-jidek zaýytynyń jumysshysy, Tselinograd oblysy Balhash aýdany Veselovskii sovhozynyń aǵa agronomy, Túrkistan aýdany ákimi apparaty uiymdastyrý bóliminiń inspektory, meńgerýshisi, Túrkistan qalasy jastar isi sport jáne týrizm basqarmasynyń bastyǵy, Túrkistan qalasy ákimdiginiń sharýashylyq basqarmasy memlekettik mekemesiniń bastyǵy, Túrkistan qalalyq máslihatynyń hatshysy bolǵan. 2019 jyldan beri Kentaý qalasynyń ákimi, Qazaqstan halqy Assambleiasy Túrkistan oblystyq filialy tóraǵasynyń orynbasary, oblys ákimi apparaty basshysynyń orynbasary qyzmetterin atqaryp keldi. «Eren eńbegi úshin» medalimen, «Qurmet» ordenimen marapattalǵan.
Shornaq aýyly Túrkistan qalasynan 20 shaqyrym jerde ornalasqan. Búginde munda 12 myń halyq turady. Jańadan qurylǵan aýdan halqynyń sany 100 myńnan asady dep josparlanýda. Aýdannyń jalpy kólemi 12 aýyldyq okrýg pen ákimshilik ortalyǵyn qosa alǵanda 650 myń gektar jerdi quraidy. Vedomstvo ult rýhaniiatynda kieli uǵymǵa ainalǵan «Saýran» ataýynyń Túrkistan oblysynda qurylǵan jańa aýdanǵa berilýi negizdi ekenin atap ótti. Sebebi bul ataý ejelgi Túrkistan uǵymymen tyǵyz bailanysty. Jalpy Saýran – XII ǵasyrda iri saýda ortalyǵy retinde irgetasy qalanǵan qala. Shahar Uly Jibek jolynyń boiynda ornalasqan. XIII ǵasyrdyń orta sheginde Aq Ordanyń astanasy bolǵan.
