Memleket basshysy Qasym-Jomart Toqaevtyń 12 naýryzdaǵy Jarlyǵymen jańadan qurylǵan Saýran aýdandyq máslıhatynyń jetinshi shaqyrylymynyń alǵashqy sesıasy ótti, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Saýran aýdandyq aýmaqtyq saılaý komısıasynyń tóraǵasy Janbolat Ibragımov aýmaqtyq saılaý komısıasynyń sheshimimen tanystyrdy. Sheshimge sáıkes Saýran aýdandyq máslıhaty depýtataryna kýálikter men tósbelgilerin tabystady. Saýran aýdanynyń damýyna úles qosýǵa jasaqtalǵan máslıhattyń quramyna «Nur Otan», «Aqjol» jáne «Aýyl» partıalarynyń músheleri kirdi.

Jetinshi shaqyrylymdaǵy Saýran aýdandyq máslıhaty depýtattarynyń tizimi:

1. Ábisheva Maqpal Haırýllakyzy


2. Arınov Erlan Serikuly


3. Asaev Artýr Valıhanovıch


4. Baımenov Erlan Ánýaruly


5. Jýsipbaev Nurjan Abıldauly


6. Kúnpeısov Meırambek Zamanbekuly


7. Sadýov Talǵat Nurálıuly


8. Saýranbekova Araı Asanqyzy


9. Shaldanbaev Arman Saparǵalıuly

Saýran aýdandyq máslıhatynyń jetinshi shaqyrylymynyń birinshi sesıasynyń kún tártibinde 7 másele qaraldy. Saýran aýdandyq máslıhatynyń hatshysy bolyp Meırambek Kýnpeısov saılandy. Saýran aýdandyq máslıhatynyń turaqty komısıasy qurylyp, tóraǵalary saılandy. «Saýran aýdandyq máslıhat apparaty» memlekettik mekemesiniń qurylymy bekitildi. Saýran aýdandyq máslıhatynyń jetinshi shaqyrylymynyń sheshimimen búdjet, ekonomıkalyq damý, kásipkerlikti qoldaý, aýyl sharýashylyǵy jáne áleýmettik máseleler jónindegi turaqty komısıalary quryldy. Sondaı-aq, memlekettik quqyqtyq, azamattardyń zańdylyq múddelerin qamtamasyz etý máseleleri, ulttyq saıasat, mádenıet jáne depýtattyq etıka jónindegi turaqty komısıalary quryldy.