Sapaly bilim-turaqty damýdyń negizi
Memleket basshysy tapsyrmasymen «Bilimdi ult» sapaly bilim berý» ulttyq jobasy daiyndaldy.Shynynda da, qoǵam damýynyń basty faktory sapaly bilimdi meńgergen bilikti mamandar ekeni sózsiz. Bul baǵytta elimizde bilimge qushtar, bolashaǵymyzdyń negizin quraityn daryndy jastarǵa barynsha qoldaý kórsetip, áleýetin paidalaný kózderin qarastyrý kerek. Sondyqtan da qazirgi ýaqyttan bastap bolashaqta sapaly bilim beretin pedagog daiarlaý máselesine erekshe mán berýimiz qajet. Al sapaly bilimdi berip, sanaly urpaq tárbieleitin – ulaǵatty ustaz. Sanany turmys bilegen búgingi qoǵamda oqytýshylardyń qajymas eńbek etip, sapaly bilim berýi, onyń áleýmettik jaǵdaiynyń deńgeiimen de tikelei bailanysty ekeni ras. Bul rette Memleket basshysy «oqý oryndaryn bilikti professor-oqytýshylyq qurammen qamtamasyz etpeiinshe, bilim sapasyn kóterý múmkin emes» dep ustazdardyń áleýmettik jaǵdaiynyń mańyzdy ekenin alǵa tartty. Sebebi ol áleýmettik máselelerge alań qylmai, alańsyz sabaq berýi tiis.
BUU-nyń bastaýymen alǵash ret «turaqty damý» kontseptsiiasy usynyldy. Turaqty damý maqsattarynyń ishindegi 4-maqsat: «Barlyǵyna sapaly bilim» ekenin alǵa tartqym keledi. Bilim salasy únemi jetilip, jańaryp otyrýdy qajet etedi. Biz ómir súrip otyrǵan qazirgi kezeń – bul jańa dáýir,jańa kózqarasty, jańashylyqty talap etetin ýaqyt. Sonyń ishinde,bilim salasynda bolyp jatqan jańa ózgeristerdiń mańyzy zor. Sannan sapaǵa qyzmet etý – búgingi talap. Qazir elimizdegi joǵary oqý oryndarynyń jartysy ǵana túlekterin 60 paiyzdyq deńgeide jumyspen qamtyp otyr. Bul joǵary kórsetkish emes. Osyny eskergen Memleket basshysy sany bar, sapasy mardymsyz oqý oryndary qysqartylyp, básekege qabiletti kadrlar daiarlai alatyn irgeli oqý oryndaryna ǵana múmkindikter beriletinin qadap aitty.Bul – sózden iske kóshýdiń aiqyn dáleli. Ǵylymdy damytpai, ulttyń damýyn qamtamasyz ete almaimyz. Úkimet bul máseleni ǵylymi-zertteýlerdiń deńgeiin arttyrý jáne ony is júzinde qoldaný turǵysynan qarastyrýy kerek dedi.
Elimizde de bilim berý júiesi sanǵa ǵana emes, sapaǵa negizdeý – búgingi kúnniń basty talaby. Sanaly da sapaly urpaq tárbieleý arqyly ǵana biikke shyǵatynymyzdy eskersek, bul másele udaiy nazarda bolýy tiis. Búginde oqytýshylardyń biliktiligin kóterý jumystaryn jandandyrý jáne bilim sapasyn jaqsartý joldary birizdilikpen júieli jolǵa qoiylyp keledi.Osy jaittardy eskere otyra, ál-Farabi atyndaǵy Qazaq ulttyq ýniversitetiniń zań fakýltetiniń oqytýshylar quramy sapaly bilim berý maqsatynda aianbai eńbek etýde. Ár memlekettiń ekonomikalyq jáne áleýmettik turǵydan damýynyń taǵy bir kórsetkishi – álemdik tájiribege súiengen bilimdi maman daiarlaýmen tyǵyz bailanysty. Bilim salasyna qatysty bul bastamalar el bolashaǵynyń kemel bolýyna, damyǵan eldermen teń túser bilikti tulǵalar daiyndaýǵa sep bolmaq. Bilimge degen janashyrlyq – ultqa degen janashyrlyqtyń aiqyn kórinisi.
Ómirtai Roza
ál-Farabi atyndaǵy QazUÝ-dyń zań fakýlteti azamattyq quqyq jáne azamattyq is júrgizý,eńbek quqyǵy kafedrasynyń aǵa oqytýshysy,z.ǵ.k. advokat
Abikenov A.A
ál-Farabi atyndaǵy QazUÝ-dyń zań fakýlteti azamattyq quqyq jáne azamattyq is júrgizý,eńbek quqyǵy kafedrasynyń dotsenti,z.ǵ.k.
