Halyqaralyq ınjenerlik-tehnologıalyq ýnıversıtetiniń rektory, qaýymdastyrylǵan profesor G.Á. Sársenbekova kásiporyndar men ýnıversıtettiń tyǵyz baılanysy bilim berý baǵdarlamalarynyń mazmundyq bóligin sapaly ázirleý jáne mamannyń praktıkalyq daıarlyǵyn kúsheıtý úshin óte mańyzdylyǵyn, sonymen qatar bul forým osy proseske qatysýshylardyń ózderin yntalandyrý arqyly jańa tehnologıalardy, kásibı daıarlyqtan ótý ádistemelerin engizý úshin, sondaı-aq Ýnıversıtet stýdentterine mıkrobiliktilik, qosymsha mamandanyqty berý úshin sheshimder tabýǵa kómektesetinin atap ótti.
Forýmnyń plenarlyq otyrysynda "Reseı bıotehnologıalyq ýnıversıteti (ROSBIOTEH)" FMBJBBM Birinshi prorektory, profesor M.V. Nıkolaev, M.M. Adyshev atyndaǵy Osh tehnologıalyq ýnıversıtetiniń oqý jumysy jónindegi prorektory, profesor Ý.J. Mamytov, «Ońtústik Oral memlekettik ýnıversıteti» FMAJBBM (Ulttyq zertteý ýnıversıteti) profesory I.Iý. Potoroko, Taýly Altaı memlekettik ýnıversıtetiniń Týrızm jáne qonaqjaılylyqty damytý ortalyǵynyń jetekshisi, dosent T.A. Kýttýbaeva joǵary oqý orny men bıznes-qurylymdar arasyndaǵy yntymaqtastyq tájirıbesimen bólisti.
"Atameken" UKP-nyń Adamı kapıtaldy damytý departamentiniń sarapshysy D.V. Jumataev mıkrobiliktilik baǵdarlamalary jáne olardy taný tártibi týraly, "Qazaqstannyń tamaq kásiporyndary odaǵy" ZTB-nyń Atqarýshy dırektory M.D. Sabralıeva kásibı standarttar negizinde bilim berý baǵdarlamalaryn ázirleýdegi ózara is-qımyl jáne bıznes tájirıbesi boıynsha ózekti baıandamalaryn jasady.
Óz baıandamalarynda "Akademset" JSHS Bas dırektory T.M. Tahabaev, "Increase food" JSHS kompanıasynyń óndiris dırektory A.A. Raıymqulova METU University-men birlesip normatıvtik qujattamany daıyndaý jáne ýnıversıtet stýdentterine tıisti mıkrobiliktilikti berý jumysyn bastaýǵa daıyn ekendikterin bildirdi.
Halyqaralyq forýmnyń ekinshi bólimi mamandardy daıarlaý baǵyttary boıynsha ótti.
Oǵan tájirıbeli sarapshylar-jumys berýshiler, METU University oqytýshy-professorlar quramy qatysty: "Bıohımıalyq ınjenerıa" baǵyty – "Ónerkásiptik mıkrobıologıa" JSHS, "EcoProduct" JSHS, "Jılısbaeva" JK, "Dary Sharyn" JK, "CemEX Engineering" JSHS, "Ekoservıs" JSHS, "NPP Antıgen" JSHS; "Tamaq óndirisiniń tehnıkasy men tehnologıasy" baǵyty – "Jalyn "ǴTO" JSHS, "KazStandart" RMK, "Saraptama jáne sertıfıkattaý UO" AQ, "Agroınjenerıa" ǴÓO, "Carlsberg Kazakhstan" JSHS, "LOTTE Rahat" AQ, "LA VANILLA" JSHS, "Organıkalyq fýds" JSHS, "Prosnab-servis" JSHS, "SOZO" JSHS, "Respýblıkalyq eshki fermasy" JSHS, "PERVYI PIVZAVOD" JSHS, "VIKTORIA" JSHS; "Ekonomıka jáne bıznes" baǵyty – "BankSentrKredıt" AQ, "Eýrazıalyq bank" AQ, "Aqtaý teńiz porty" AQ, Ekonomıka ınstıtýty, Qazaqstandyq Týrısik qaýymdastyq, "Sea Star tourism LTD" JSHS, "Ýchet"kompanıalar toby; "Injenerıadaǵy SMART tehnologıalar" baǵyty – "KEGOC" AQ Almaty JES, "Almaty elektr stansıalary" AQ, "Alataý jaryq kompanıasy" AQ, "Qazaqtelekom" AQ, "KomInjınırıng" JSHS, "Komservıs" JSHS, "Alageum Electric" JSHS, "Nokia Solutions and Networks Kazakhstan" JSHS; "Baǵdarlamalyq ınjenerıa" baǵyty - "Qazaqstan Halyq Banki" AQ, "Jusan Bank" AQ, "Wildberries" JSHS, "QCLOUDY" JSHS, "Suretter Software" JSHS halyqaralyq kompanıasy, "Bugin Holding" JSHS, "3mins" JSHS jáne t. b.
Forýmnyń daıarlaý baǵyttary boıynsha jumysy kóterilgen jáne sheshimin tapqan máselelerdiń bastysy – METU University stýdentterine mıkrobiliktilikti engizý jáne berý, dýaldy oqytýdy engizý, METU University kásiporyndarymen birlesken bilim berý baǵdarlamalaryn (saraptamalyq qorytyndy, pikirler, akademıalyq komıtetter quramyndaǵy jumys) ázirleý jáne iske asyrý, METU University qyzmetkerleriniń jumys berýshi kásiporyndardyń tapsyrysy boıynsha ǵylymı-zertteý jumystaryn oryndaýy maqsatynda Ýnıversıtet pen jumys berýshi kásiporyndardy shoǵyrlandyrý máseleleri oryn aldy.
"J. Jıenbaev atyndaǵy Qazaq ósimdikterdi qorǵaý jáne karantın ǵylymı-zertteý ınstıtýty" JSHS Basqarma tóraǵasy B.A.
Dúısenbekovtyń usynysy boıynsha, ýnıversıtet aǵymdaǵy oqý jylynda "Jemis-kókónis sharýashylyǵy jáne agrotopyraqtaný" bilim berý baǵdarlamasy sheńberinde stýdentterdi ósimdikterdi qorǵaý jáne karantın boıynsha oqytýdyń jeke traektorıasyn ázirleıtin bolady.
«Alageum Electric» kompanıasynyń Basqarma Tóraǵasy N. Stvaev ýnıversıtetpen odan ári yntymaqtastyqty damytýǵa daıyndyǵyn atap ótip, oqytýshy-professorlar quramyn kásiporynnyń ónerkásiptik nysandaryna barýǵa shaqyrdy.
"Ýchet. Býhgalterıa" JSHS dırektory A.A. Baryshev ýnıversıtet stýdentteri úshin dýaldy oqytýdy, mıkrobiliktilik baǵdarlamasyn júzege asyrýdy usyndy jáne ýchet.kz portalynan beınesemınarlardy kórýge múmkindik berdi.
Forýmǵa qatysýshylar ýnıversıtettiń materıaldyq-tehnıkalyq bazasymen tanysty, stýdentter robototehnıkalyq júıelerdi kórsetti, sondaı-aq bolashaq tehnolog-stýdentter daıyndaǵan sút ónimderiniń dámin tatýǵa qonaqtar múmkindik aldy.
Forýmǵa qatysýshylar praktıkalyq daıyndyqty, ǵylymı taǵylymdamany sapaly uıymdastyrý jáne júzege asyrý boıynsha, "ómir boıy úzdiksiz bilim berý" tujyrymdamasyna kóshý sheńberinde jumys berýshi kásiporyndardyń qyzmetkerleri úshin beıresmı bilim berý aıasynda birlesken jumystardyń mańyzdylyǵyna nazar aýdardy.
