Qoqys ornyna balalar oinaityn alań paida boldy
Galina Kovinskaia oiyn alańyn salýdy uzaq ýaqyt boiy armandapty. Keibir sebepterge bailanysty ideiany júzege asyrý múmkin bolmaǵan. Biraq «ár is óz ýaqytymen» demekshi, biyl Galinanyń kúieýi úidiń janynda jer ýchaskesin jalǵa alǵan eken. Sodan keiin erli-zaiyptylar iske kirisetin ýaqyt kelgenin uǵynady.
«Balalar alańyn qurýdy kópten beri uiǵaryp qoiǵanbyz. Segiz jyl boiy josparladyq. Bizdiń úidiń janynda otyz jyl boiy qoqys poligony bolǵan ýchaske bar edi. Jubaiym bul ýchaskeni keiinnen satyp alýmen eki jylǵa jalǵa alǵannan keiin biz dál sol sát keldi dep sheshtik. Bizdiń kósheniń balalaryna da oinaityn jer joq edi. Aýyldyń ortalyǵynda átkenshekter men karýselder barshylyq, biraq olar barlyǵyna jetpeidi.
Azamattyq bastamalardy qoldaý ortalyǵynyń granty týraly bilgennen keiin biz óz baǵymyzdy synaý kerek dep sheshim qabyldadyq, baiqaýǵa ótinim berdik. 500 myń teńge utyp alǵanymyzǵa óte qýanyshtymyn. Men bul týraly Instagram-daǵy paraqshamda jariialadym, kórshilerge habarladym. Biz bárimiz birigip, qajetti jabdyqtardy satyp aldyq. Er adamdar qorshaý ornatýǵa kómektesti, áielder oryndyqtar men qorshaýlardy boiady. Aýmaqty abattandyrýǵa tipti balalar da qatysty. Olar alańdy tazartýǵa kómektesti, sodan keiin biz ony qiyrshyq taspen, al ústine qummen toltyrdyq», – deidi Galina Kovinskaia.
Áiel óz ideiasyn qoldap, oiyn alańyn uiymdastyrýǵa qolǵabys etken kórshilerimen maqtanady. Bul jospardyń ainalasyndaǵy kórshilerdiń birlikpen rýhtanǵany sonshalyq, bastamashyl top tek granttyq qarajatpen shektelmei, ortaq is úshin ózderi de aqsha qosypty.
Jańadan alańnyń paida bolǵanyna bári túsinistikpen qarady. Alaida Galinanyń bastamasyn qoldamaǵan adamdar da bolypty.
«Álbette, aýyl turǵyndary qoqys tastaityn orynda úlken taza aýmaqtyń, balalar oiyn alańynyń paida bolǵanyna qýandy. Bul qoqys bizdiń jáne kórshilerdiń jumsartyp aitqanda mazamyzdy alyp bitken. Sondyqtan adamdardyń kóbi meni qoldady, máselege qulshynyspen qarady, óz qarajattaryn usyndy, qol jumysyna kómektesti.
Alań óz kúshimizben boi kóterdi. Meniń jubaiym kóp kómektesti, ol jumystan kelip, bir jerde metal qurylymdaryn dánekerledi, bir jerde piket qorshaýlaryn shegelep, ornatyp, bárin ólshedi.
Kúieýimdi jáne kórshilerimdi maqtan tutamyn. Tilegimdi shynaiylyqqa ainaldyrǵan senimid adamdardyń janymda bolǵany qandai jaqsy.
Biraq «Bul sizge ne úshin kerek?» dep maǵan jii birdei suraq qoiatyn adamdar da boldy. Sebebi olar balalar attraktsionyna degen varvarlyq kózqarastyń tájiribesin kórgen. Byltyr bizdiń aýyldyń basqa jaǵynda oiyn alańy salynǵan edi. Onda biyl oinaityn bir oryn qalmady. Biraq men báribir jaqsylyqqa senemin ári óz aýylym úshin neǵurlym kóp paidaly isterdi jasaǵym keledi», - deidi áiel.
Jańa alańda balalar erekshe qýanady. Endi kenttiń balalary voleiboldy tegin oinap, jas jetkinshekter – karýselge, tóbeshikke jáne átkenshekke minip, atletikalyq keshende jattyǵa alady. Galina Kovinskaianyń ózi aitqandai, joba eń usaq bólshekterge deiin oilastyrylǵan.
«Balalar oiyn alańy 3-12 jas aralyǵyndaǵy balalarǵa arnalǵan. Al balalar úshin shyn júrekten barlyq jaqsylyqty jasaýǵa tyrysamyz. Meniń oiymsha, bizdiń jobamyz erekshe, óitkeni balalar alańynyń dizainy qorshaý balanyń jolǵa shyǵýyna jol bermeitindei etip jasalǵan. Biz aýylda turatyndyqtan, iri qara mal onyń aýmaǵyna kire almaityndai etip oiyn alańyn abattandyrý qajet boldy. Biz muny eskerdik. Qorshaý túrli-tústi qaryndashtar túrinde jasaldy. Sondyqtan óz jobamyzdy «kempirqosaq» dep atadyq.
Shynymdy aitqanda, balalar alańyn ashqanymyzǵa áli kúnge deiin senbeimin. Biraq burynnan beri armanymnyń oryndalǵanyna qýanyshtymyn.
Oiyn alańyn asha otyryp, balalar úshin shaǵyn mereke uiymdastyrdyq. Olardyń baqyttan basy ainalǵany sonshalyq, tipti qaida barý kerektigin, voleibol oinaýdy, kóldeneń jolaqtardy nemese átkenshekte – ne tańdaryn bilmei qaldy. Balalardyń kózindegi qýanyshty kórý – sózben jetkizý múmkin emes sezim», - dedi ol.
Galina munymen toqtap qalmaýdy oilap otyr. Bolashaqta ol oiyn alańyn túrli trenajerlarmen jabdyqtap qana qoimai, óziniń shaǵyn biznesin bastaý úshin Azamattyq bastamalardy qoldaý ortalyǵynyń granttyq qarajatyn alý konkýrstaryna qatysqysy keledi.
«Osy áleýmettik jobany iske asyra otyryp, men ózim úshin jumysta, jobalardy uiymdastyrýda zor tájiribe jinadym. Ózimnen bastap, dál osy jerde jáne dál qazir áreketti bastaýym kerek ekenin túsindim. Árkim óz aýyly úshin paidaly nárse jasai alady.
Bolashaqta balalar oiyn alańyn trenajerlarmen, úlken balalarǵa arnalǵan tennis ústelderimen, balalarmen birge keletin ata-analarmen jabdyqtaý josparlanýda.
Aýylda qandai da bir biznes uiymdastyrýdy josparlap otyrmyn. Osyndai bastamashyl toptardyń barlyq esepterin tyńdai otyryp, ABQO granttarynyń arqasynda aqsha tabýǵa bolatynyna da kózim jetti. Bul aqparat paidaly boldy. Endi men kent úshin de, men úshin de tabys kózine ainalatyn qandai da bir jobany iske asyrǵym keledi. Aldaǵy ýaqytta da baiqaýlarǵa qatysamyn», - dedi Galina Kovinskaia.
Aita ketsek, «Aýyldaǵy azamattyq bastamalardy damytýǵa baǵyttalǵan is-sharalar keshenin uiymdastyrý» respýblikalyq jobasy aiasynda Azamattyq bastamalardy qoldaý ortalyǵynyń granttyq qoldaýymen Qazaqstannyń túkpir-túkpirinde sport jáne balalar alańdary, jańa kógaldar men gúlzarlar paida boldy. Halyq bilim berý baǵdarlamalaryna tartylyp jatyr. Balalar da, onyń ishinde erekshe qajettilikteri bar balalar da shette qalǵan emes. Keibir aýyldarda otbasylyq qundylyqtardy saqtaýǵa, patriottyq tárbiege basa nazar aýdarylady. Shaǵyn granttardyń 60 jeńimpazynyń ishinde tek 13-i-ÚEU, qalǵandary - bastamashyl toptar. Bir grant somasy – 500 myń teńge.
