«Shara sheńberinde elimizdegi muǵalim mamandaryn daıarlaıtyn jetekshi joǵary oqý ornynyń profesorlary men bilim berý salasyndaǵy bilikti mamandar túrli taqyryp aıasynda ádistemelik semınarlar men trenıńter serıasyn ótkizedi», – dep atap ótti ýnıversıtettiń baspasóz qyzmetiniń jetekshisi Jandar Asan.
Joba aıasynda «Úzdiksiz praktıkany uıymdastyrýda qashyqtan oqytý máseleleri jáne ony sheshý joldary» taqyrybynda vebınar-trenıng uıymdastyryldy. Onlaın rejimde ótken sharaǵa elimizdiń 10-ǵa jýyq joǵary oqý ornynyń 300-den astam profesor-oqytýshylary men stýdentteri qatysyp, taqyryp tóńireginde bilimderin jetildirýge múmkindik aldy.
Trenıń spıkerleri retinde Qyzdar ýnıversıtetiniń Mektepke deıingi jáne bastaýysh bilim kafedrasynyń profesory mindetin atqarýshy Aqgúl Jubandyqova «Qashyqtan oqytý jaǵdaıynda sıfrlyq bilim berýdiń tıimdiligi», pedagogıka ǵylymdarynyń kandıdaty Roza Nabýova «Shekteý jaǵdaıynda krıterıaldy baǵalaý júıesin qoldaný máseleleri», Pedagogıka jáne psıhologıa joǵary mektebi dekanynyń orynbasary Ádilet Karıev «Qashyqtan oqytý jaǵdaıynda oqýshyǵa psıhologıalyq qoldaý kórsetý joldary», Almaty qalasyndaǵy A. Baıtursynov atyndaǵy №139 mektep-gımnazıasynyń bastaýysh synyp muǵalimi Aıym Baltabekova «Krıterıaldy baǵalaý júıesin qoldaný tájirıbesi» taqyryptary tóńireginde tájirıbelerimen bólisti.
Sondaı-aq jıynda Qyzdar ýnıversıtetiniń «Bastaýysh oqytýdyń pedagogıkasy men ádistemesi» mamandyǵynyń stýdenti Aıjan Aqylbaeva «Ideal» strategıasy boıynsha keri baılanys aıasynda qashyqtan oqytý jaǵdaıynda úzdiksiz praktıka tájirıbelerimen bólise otyryp, onyń ońtaıly sheshý joldaryn áńgimeledi. Vebınar barysynda «quizizz» testi de alyndy.
Trenıńke qatysqan Abaı atyndaǵy Qazaq ulttyq pedagogıkalyq ýnıversıteti, S. Amanjolov atyndaǵy Shyǵys Qazaqstan ýnıversıteti, İ. Jansúgirov atyndaǵy Jetisý ýnıversıteti, Qorqyt ata atyndaǵy Qyzylorda ýnıversıteti, Sh. Ýálıhanov atyndaǵy Kókshetaý ýnıversıteti, Y. Altynsarın atyndaǵy Arqalyq pedagogıkalyq ınstıtýtynyń ujymy men bilim alýshylary bilikti maman daıarlaýǵa zor serpin beretin osy taqilettes jıyndy uıymdastyrǵany úshin Qyzdar ýnıversıtetine alǵys bildirip, rızashylyǵyn jetkizdi.
Aıta keteıik, ádistemelik semınarlar men trenıńter serıasy aldaǵy ýaqytta da óz jalǵasyn taba bermek.
Baspasóz jáne qoǵammen baılanys bólimi
