- Konkýrs sharttarynda 3 jyldan astam ýaqyt (38 ai) boiy JOO-nyń 44 obektisine, dálirek aitqanda, alańy 78,0 ga 4 jer ýchaskesindegi 16 jataqhana (100,0 myń m2), 24 oqý jáne ákimshilik ǵimaratyna (253,0 myń m2), sondai-aq elektrmen jabdyqtaý jelilerine – 12 qosalqy stantsiia jáne 58 km.kabel, sýmen jabdyqtaý men jylytý (15,7 km) qyzmetterin kórsetý kózdelgen. Mundai úlken múliktik keshenniń jumys isteýin qamtamasyz etý tiisti qarjylyq shyǵyndardy talap etedi.
- JOO-nyń barlyq infraqurylymyn qamtamasyz etý jyl saiyn 3,4 mlrd.teńgeni qajet etedi, bir obektige eseptegende – orta eseppen 77,2 mln. tg. Oǵan 680 qyzmetkerdiń jalaqysy, órt sóndirý júielerine qyzmet kórsetý, kógaldandyrý, aǵymdaǵy jóndeý, dezinfektsiialaý, mamandandyrylǵan uiymdardyń qyzmetteri, konditsionerler, liftilerge qyzmet kórsetý, jinaý tehnikasyn jalǵa alý jáne t.b. shyǵystar kiredi. Kórsetilgen shyǵyndar quny elimizdegi ortasha baǵaǵa sáikes keledi.
- QazUÝ qyzmetiniń basty baǵyttary bilikti kadrlar daiarlaý men ǵylymi zertteýler júrgizý bolyp tabylady. JOO-da 3000-ǵa jýyq OPQ men ǵylymi qyzmetkerler jumys isteidi, 26000 stýdent oqidy. QazUÝ Jarǵysynda aiqyndalǵandai, ýniversitet ózine tán emes fýnktsiialardy oryndamaýy tiis.
- Búkil álemdegi tabysty ýniversitetter men kompaniialar qyzmetiniń tájiribesi kásiporyn qyzmetiniń beiindi emes túrlerin aýtsorsingke berýdiń ekonomikalyq tiimdiligin dáleldep otyr. Shyǵystardy ońtailandyrý jónindegi sharalardy iske asyrý QazUÝ-ǵa jyl saiynǵy shyǵyndy 20%-ǵa deiin únemdeýge múmkindik beredi jáne qyzmet kórsetý sapasyn arttyrady.
Ál-Farabi atyndaǵy QazUÝ-dyń Baspasóz qyzmeti
