«Qurmetti dostar! Keshe jáne búgin Almaty qalasy Áýezov aýdanynyń №2 sotynda B.Baibektiń ar-namysyn, qadir-qasietin jáne iskerlik bedelin qorǵaý týraly talap-aryz boiynsha sot sheshimin oryndamaǵany úshin J.Mamai men I.Imanbaevadan memleket kirisine ósimpuldy óndirip alý týraly 2 azamattyq is qaraldy. Usynys jeke sot oryndaýshysy tarapynan engizildi.
Ózderińiz biletindei, 2 instantsiianyń (birinshi jáne apelliatsiialyq) sheshimine sáikes J.Mamai men I.Imanbaeva maǵan senim bildirýshige qatysty jalǵan materialdardy joqqa shyǵaryp, olardy joiý, sondai-aq 876 402 teńge kóleminde sot shyǵyndaryn tóleýi tiis boldy.
Shyǵyndar somasy jaýapkerlerden tolyq kólemde májbúrli túrde óndirilip alynyp, «Bolashaq» korporativtik qoryna aýtizmi bar balalarǵa kómek retinde aýdaryldy.
Alaida, Mamai men Imanbaevaǵa qatysty negizgi talap – jalǵan materialdardy joqqa shyǵarý jáne olardy joiý búgingi kúnge deiin oryndalǵan joq.
Keshe jáne búgin jaýapkerlerdiń buǵan dáleldi sebepteriniń joǵyna kóz jetkizdik. Mamai men Imanbaevanyń barlyq argýmentteri sýdialardy orynsyz aiyptaýlarǵa jáne múldem dálelsiz búkil sot júiesin qorlaýǵa negizdelgen.
Munymen qosa, olar «demokratiia» jáne «sóz bostandyǵy» uǵymdaryn qasaqana jáne orynsyz paidalanyp otyr. Alaida kez kelgen bilimdi adam demokratiia, eń aldymen, zańdar men rásimderdi saqtaý bolyp tabylatynyn biledi. Demokratiianyń basty qaǵidaty boiynsha bostandyq ózge adamnyń bostandyǵy bastalatyn jerde shekteledi.
Bul printsipterge qaramastan, Mamai men Imanbaeva sot zańsyz dep tanyǵan áreketterdi, atap aitqanda – qorlaý, jalǵan málimdemeler taratý, qoǵamdy adastyrý áreketterin jalǵastyrýda. Máselen, 15 maýsymda birinshi satydaǵy sot sheshim shyǵarǵan sátten bastap Mamai áleýmettik jelilerde maǵan senim bildirýshi týraly taǵy 9 jala japqan beinerolik jariialady.
Mamaidyń bul rolikterdegi jáne basqa da málimdemelerindegi aiyptaýlar shyndyqqa janaspaityny sotta dáleldendi. Munyń barlyǵy tek qiiali sandyraq qana.
Muny túsingen jaýapkerdiń zańgeri Erlan Qaliev Mamaidyń taktikasyn basshylyqqa alyp, sotty arzan qoiylymǵa ainaldyrýǵa tyrysty. Sonymen, ózin kásibi zańger retinde kórsetetin ol keshe jáne búgin josyqsyz dolbarlar, qisynsyz aiyptaýlar men iske qatysy joq ótinishter jasady. Muny sotqa Qalievtiń ótinishi boiynsha isti qaraýǵa qatysqan prokýror da rastady.
Kútilgendei, sot J.Mamai men I.Imanbaevadan memleket kirisine árqaisynan 140 016 teńge mólsherinde ósimpul óndirip alý týraly sheshim shyǵardy. 280 myń teńge kólemindegi bul soma Almaty qalasynyń biýdjetine túsedi.
Mamai men Imanbaevanyń jeke basyn jáne minez-qulqyn eskere otyryp, sottyń bul sheshimi zańnyń ústemdigi jáne zańdy buzǵany úshin jazanyń bultartpastyǵy qaǵidattaryn is júzinde kórsetý turǵysynan úlken mánge ie bolady dep oilaimyn.
Eske sala keteiin, eger Mamai men Imanbaeva aiyptaýlaryn teriske shyǵarmasa jáne jala japqan beinerolikterin joimasa, onda 27 qazannan bastap sot oryndaýshysy «Ákimshilik quqyq buzýshylyq týraly» Kodekske sáikes boryshkerlerdi ákimshilik jaýapkershilikke tartýǵa (aiyppul salýǵa nemese qamaýǵa alýǵa), sodan keiin Qylmystyq kodekske sáikes qylmystyq jaýapkershilikke tartýǵa bastamashy bolady (árqaisysyna 800 saǵat kóleminde qoǵamdyq jumys, 3 jylǵa deiin bas bostandyǵyn shekteý nemese aiyrý). Buǵan deiin málimdegenimdei, bul jaǵdaida biz jaýapkerlerdi qoǵamdyq jumystarǵa tartý týraly ótinish beretin bolamyz.
Jalpy, sońǵy eki otyrystyń qorytyndysyn jáne qazaqstandyq sot tóreligin qabyldamaityn jaýapkerlerdiń epatajdyq málimdemelerin eskere otyryp, J.Mamai men I.Imanbaevanyń «Almaty kóshelerin birlesip sypyratyn» basty shoýyn kóretin bolarmyz.
B.Baibektiń talaby boiynsha J.Mamai men I.Imanbaevaǵa qatysty sottyń zańdy sheshiminiń oryndalý barysy týraly ári qarai da habardar etetin bolamyn» dedi zańger.
