Aidar Jarylǵanov Qazaqstan Respýblikasy Prezidenti Ákimshiliginiń Memlekettik quqyq bóliminiń meńgerýshisi qyzmetinen bosatyldy, dep habarlaidy dalanews.kz.
Bul týraly Aqordanyń baspasóz qyzmeti habarlady.
"Memleket basshysynyń ókimimen Aidar Tóletaiuly Jarylǵanov Qazaqstan Respýblikasy Prezidenti Ákimshiliginiń Memlekettik quqyq bóliminiń meńgerýshisi laýazymynan bosatyldy", – delingen resmi habarlamada.
Aidar Jarylǵanov kim?
Aidar Jarylǵanov 1978 jyly Semei qalasynda dúniege kelgen.
1999 jyly "Semei" memlekettik ýniversitetin, al 2001 jyly "Ádilet" joǵary quqyq mektebin támamdaǵan.
2001-2007 jyldary Memlekettik kirister ministrliginde jáne Qarjy ministrliginiń Salyq komitetinde eńbek etti.
2007 jyldan 2019 jyldyń sáýirine deiin Prezident Ákimshiliginde túrli qyzmet atqardy. Atap aitqanda, Memlekettik quqyq bóliminde sarapshy, konsýltant, inspektor jáne sektor meńgerýshisi boldy.
2019 jylǵy sáýirden 2023 jylǵy qańtarǵa deiin Prezident Ákimshiligi Memlekettik quqyq bólimi meńgerýshisiniń orynbasary qyzmetin atqardy.
2023 jylǵy 6 qańtarda Memleket basshysynyń ókimimen Prezident Ákimshiliginiń Memlekettik quqyq bóliminiń meńgerýshisi bolyp taǵaiyndalǵan.
Aidar Jarylǵanov 2020 jyly "Qurmet" ordenimen, 2013 jyly Qazaqstan Respýblikasynyń Qurmet gramotasymen marapattalǵan.
2026 jylǵy 2 qazanda ol atalǵan qyzmetten bosatyldy.
