Elbasymyz N.Á. Nazarbaevtyń jaryq kórgen «Uly dalanyń jeti qyry» atty maqalasy Qazaqstan úshin tarıhı damýdyń jańa kezeńindegi ózektiligimen ári mańyzdylyǵymen erekshe.Elimizdiń Prezıdenti óz maqalasynda atap kórsetkenulttyq sanaǵa qatysty jáne árbir qazaqstandyqtyń sanasyn jańǵyrtýdyń mańyzdy baǵyttarynyń biri zamanaýı qazaqstandyq mádenıetti álemge tanytý máselesine basym kóńil bóldi.
Ál-Farabı atyndaǵy Qazaq ulttyq ýnıversıteti Elbasy ıdeıalaryn nasıhattaı otyryp, Ult kóshbasshysy Nursultan Nazarbaevtyń maqalasynda kórsetilgen kóptegen baǵyttardy júıeli túrde júzege asyrýda. Ýnıversıtette «Aınalańdy nurlandyr» jobasy tabysty júzege asýda.Jastardy azamattyq jáne rýhanı-adamgershilik turǵydan tárbıeleýde bul jobanyń úlesi zor.
Osy atalǵan joba aıasynda ál-Farabı atyndaǵy Qazaq ulttyq ýnıversıtetiniń joǵary oqý ornyna deıingi bilim berý fakúltetiniń sheteldikterdiń tildik jáne jalpy bilim berý daıyndyǵy kafedrasynyń uıymdastyrýymen ǵylymı-tanymdyq, tárbıelik mańyzy bar is-sharalar ótkizilip otyrady.
Sheteldikterdiń tildik jáne jalpy bilim berý daıyndyǵy kafedrasynyń «Saıahat» atty ólketaný klýby álemniń Qytaı, Koreıa, Japonıa, AQSH, Ispanıa, Danıa, Iran, Avstralıa elderinen kelgen sheteldik stýdentterine QazUÝ-dyń ál-Farabı atyndaǵy kitaphanasyndaǵy «Uly dalanyń jeti qyry» atty tarıhı-kórkem ekspozısıana saıahat uıymdastyrdy.
Bul ekspozısıa Elbasynyń maqalasynda atap ótilgen ata-babalarymyzdyń ozyq tehnologıalaryn kýálandyratyn qazaqtardyń tarıhı murasynyń barlyq jeti sımvolyn beıneleıdi. Bul ulttyq biregeıliktiń basty tiregi bola alady.
Kafedranyń maqsaty zamanaýı qazaqstandyq mádenıetti álemge tanytý, ulttyq mádenıetti, qasıetti rýhanı qundylyqtardy sheteldik azamattarǵa keńinen tanystyrý boldy.
Saıahat barysynda sheteldik stýdentter ekspozısıadaǵy sándik-qoldanbaly óner eskertkishteriniń kóshirmelerimen, Qazaqstannyń ejelgi tarıhynyń túrli kezeńderindegi arheologıalyq oljalarymen, atap aıtqanda, Kúlteginniń beınelerimen, «Kók bórimen», «Tonúkýk» ejelgi túrik jazbalarymen, Araltóbeniń sarmat dáýirindegi «Altyn adam» beınesimen jáne ekspozısıanyń sensasıalyq eksponaty bolyp tabylatyn Qazaqstanda alǵash ret kórsetilgen Hýnnýlardyń biregeı 136 áripten turatyn jáne Qytaı ǵalymdarymen Vengrıa, Germanıa, Bolgarıa, Qytaı, Norvegıa, Mońǵolıa men Reseıden ártúrli jyldarda tabylǵan arheologıalyq oljalar negizinde qaıta qalpyna keltirilgen alfavıtimen jáne basqa da eksponattarmen tanysyp, keshendi aralady. Ejelgi zamannan qazirgi ýaqytqa deıingi Uly dalanyń tarıhyn kórsetetin «Uly dalanyń jeti qyry» ekspozısıasy ýnıversıtettegi «Qazaq eli» tarıhı-kórkemóner kesheniniń ajyramas bóligi bolyp tabylady.
Sonymen qatar sheteldik stýdentter HH ǵasyr basynda qazaq halqynyń táýelsizdik úshin ult-azattyq kúresiniń negizgi kezeńderi beınelengen «Alash muraty» atty kelesi demonstrasıalyq zalyn jáne qazaq halqynyń Prezıdentpen birlese otyryp ǵasyrlar boıǵy ańsaǵan táýelsizdik pen egemendikke qol jetkizý týraly armanynyń júzege asyrylýyn kórsetetin tarıhı beıneler men zamanaýı shyndyqtar keltirilgen «Máńgilik El» atty kórkemdik panoramasyn kórip tamashalap, óz tańdanystaryn da bildirdi, qyzyqtyrǵan suraqtaryn da qoıdy.
Zamanaýı qazaqstandyq mádenıetti álemge tanytý aıasynda «Uly dalanyń jeti qyry» atty tarıhı-kórkem ekspozısıasymen, sonymen birge ulttyq mádenıetpen, qasıetti rýhanı qundylyqtarmen tanystyrý arqyly biz ótken tarıhymyzdy, mádenıetimizdi biletinimizdi sheteldik stýdentterge dáripteý. Olardy ulttyq mádenıetimizdi qurmetteýge tárbıeleýde saıahattyń bereri mol boldy.
Bul, birinshiden, qazaq halqynyń joǵary mádenıeti men ónegelik qasıetteri týraly sheteldik stýdentterdiń tarıhı-mádenı bilimderin kóterýdiń ózgeshe formasy, ekinshiden sheteldik stýdentterdiń oı-tanymyn qalyptastyrýdyń negizi bolar birden-bir jaqsy shara boldy.
A.E. Sadenova, fılologıa ǵylymdarynyń doktory.
Ál-Farabı atyndaǵy QazUÝ, Joǵary oqý ornyna deıingi bilim berý fakúlteti Sheteldikterdiń tildik jáne jalpy bilim berý daıyndyǵy kafedrasy
