«Taý-Ken Samuryq» kompaniiasy volfram ónimderin óndiretin jobany bastady
Ivestor – Xiamen TungstenCo., Ltd. - volframnan, molibdennen jáne jerde sirek kezdesetin metaldardan ónim óndiretin álemniń eń úzdik óndirýshileriniń biri, volfram ken oryndaryn igerýde úlken tájiribesi bar.
«Taý-Ken Samuryq» UTK» AQ men Xiamen Tungsten arasynda jasalǵan kelisimniń sharttaryna sáikes Joǵary Qairaqty jáne Soltústik Qatpar ken oryndarynda (Qaraǵandy oblysy) volframdy óndirý jáne baiytýmen qazaqstan-qytai birleksen kásiporny ainalysady.
Soltústik Qatpar jáne Joǵary Qairaqty ken oryndarynyń bazasynda eki taý-ken baiytý kombinaty (kásiporynnyń óndiristik qýaty tiisinshe 2,6 jáne 6,0 mln tonna rýdany quraidy) jáne tereń qaita óńdeitin biryńǵai metallýrgiialyq keshen salynady.
Óndiristik obektiler qurylysynń quny – shamamen 755 million dollar. Operatsiialyq qyzmettiń bastalýy 2023 (Soltústik Qatpar) jáne 2025 (Joǵary Qairaqty) jyldarǵa josparlanǵan. Daiyn ónim – paravolframat ammoniia, al kleshekte – volfram untaqtary men volfram karbidteri. Sondai-aq, molibden, vismýt jáne mys kontsentratyn óndirý josparlanyp otyr.
Jobany iske asyrý biýdjetke shamamen 1 mlrd. dollar salyqtyq túsimderdi, jańa infraqurylym obektilerin salýdy jáne qoldanystaǵy obektilerdi qaita jańǵyrtýdy qamtamasyz etedi, 2,5 myńnan astam jumys orny qurylady. Budan basqa, sirek-metal klasterdiń damýy jáne volfram ónerkásibiniń órkendeýi úshin jańa perspektivalar ashylady: Qazaqstan sirek jáne jerde sirek kezdesetin metalldardy baiytý jáne qaita óńdeý salasyndaǵy jańa tehnoloiialarǵa qol jetkizedi.
Joǵary Qairaqty jáne Soltústik Qatpar ken oryndary Qaraǵandy oblysynyń Shet aýdanynda bir-birinen 30 shaqyrymdyq jerde ornalasqan. Volfram qory ótken júz jyldyqtyń 70-shi jyldary ishinara barlanǵan, biraq, ónerkásiptik qazý jumystary osy kúnge deiin bastalmaǵan. Negizgi sebep – Qazaqstanda rýdanyń erekshelikterine sáikes keletin baiytý tehnologiialary joq.
2018 jyly «Taý-Ken Samuryq» ulttyq kompaniiasy Joǵary Qairaqty jáne Soltústik Qatpar ken oryndaryndaǵy qor týraly derekterdi naqtylady (tiisinshe, 1 mln 213 myń tonna jáne 90 myń tonna volfram). Topogeodeziialyq, geofizikalyq jáne zerthanalyq-taldamalyq zertteý jumystary otandyq jáne sheteldik mamandardy tarta otyryp, júrgizildi.
Paravolframat ammoniia mashina jasaý, stanok jasaý, aspap jasaý salalarda qoldanylatyn asa berik, tozýǵa tózimdi, qyzýǵa berik materialdar alý úshin paidalanylady. Paravolframat ammoniiany ekinshi ret qoldaný – emal jáne boiaý óndirisi úshin volfram qyshqylyn alý, sondai-aq, paravolframat ammoniia men munai himiia ónerkásibine arnalǵan qospalar retinde qoldanylatyn volframnyń basqa qosylystaryn óndirýge múmkindik beredi.
«Taý-Ken Samuryq» UTK» AQ baspasóz qyzmeti.
