يۆەستور – Xiamen TungstenCo.، Ltd. - ۆولفرامنان، موليبدەننەن جانە جەردە سيرەك كەزدەسەتىن مەتالداردان ءونىم وندىرەتىن الەمنىڭ ەڭ ۇزدىك وندىرۋشىلەرىنىڭ ءبىرى، ۆولفرام كەن ورىندارىن يگەرۋدە ۇلكەن تاجىريبەسى بار.
«تاۋ-كەن سامۇرىق» ۇتك» اق مەن Xiamen Tungsten اراسىندا جاسالعان كەلىسىمنىڭ شارتتارىنا سايكەس جوعارى قايراقتى جانە سولتۇستىك قاتپار كەن ورىندارىندا (قاراعاندى وبلىسى) ۆولفرامدى ءوندىرۋ جانە بايىتۋمەن قازاقستان-قىتاي بىرلەكسەن كاسىپورنى اينالىسادى.
سولتۇستىك قاتپار جانە جوعارى قايراقتى كەن ورىندارىنىڭ بازاسىندا ەكى تاۋ-كەن بايىتۋ كومبيناتى (كاسىپورىننىڭ وندىرىستىك قۋاتى تيىسىنشە 2،6 جانە 6،0 ملن توننا رۋدانى قۇرايدى) جانە تەرەڭ قايتا وڭدەيتىن ءبىرىڭعاي مەتاللۋرگيالىق كەشەن سالىنادى.
وندىرىستىك وبەكتىلەر قۇرىلىسىنڭ قۇنى – شامامەن 755 ميلليون دوللار. وپەراسيالىق قىزمەتتىڭ باستالۋى 2023 (سولتۇستىك قاتپار) جانە 2025 (جوعارى قايراقتى) جىلدارعا جوسپارلانعان. دايىن ءونىم – پاراۆولفرامات اممونيا، ال كلەشەكتە – ۆولفرام ۇنتاقتارى مەن ۆولفرام كاربيدتەرى. سونداي-اق، موليبدەن، ۆيسمۋت جانە مىس كونسەنتراتىن ءوندىرۋ جوسپارلانىپ وتىر.
جوبانى ىسكە اسىرۋ بيۋدجەتكە شامامەن 1 ملرد. دوللار سالىقتىق تۇسىمدەردى، جاڭا ينفراقۇرىلىم وبەكتىلەرىن سالۋدى جانە قولدانىستاعى وبەكتىلەردى قايتا جاڭعىرتۋدى قامتاماسىز ەتەدى، 2،5 مىڭنان استام جۇمىس ورنى قۇرىلادى. بۇدان باسقا، سيرەك-مەتال كلاستەردىڭ دامۋى جانە ۆولفرام ونەركاسىبىنىڭ وركەندەۋى ءۇشىن جاڭا پەرسپەكتيۆالار اشىلادى: قازاقستان سيرەك جانە جەردە سيرەك كەزدەسەتىن مەتاللداردى بايىتۋ جانە قايتا وڭدەۋ سالاسىنداعى جاڭا تەحنولويالارعا قول جەتكىزەدى.
جوعارى قايراقتى جانە سولتۇستىك قاتپار كەن ورىندارى قاراعاندى وبلىسىنىڭ شەت اۋدانىندا بىر-بىرىنەن 30 شاقىرىمدىق جەردە ورنالاسقان. ۆولفرام قورى وتكەن ءجۇز جىلدىقتىڭ 70ء-شى جىلدارى ءىشىنارا بارلانعان، ءبىراق، ونەركاسىپتىك قازۋ جۇمىستارى وسى كۇنگە دەيىن باستالماعان. نەگىزگى سەبەپ – قازاقستاندا رۋدانىڭ ەرەكشەلىكتەرىنە سايكەس كەلەتىن بايىتۋ تەحنولوگيالارى جوق.
2018 جىلى «تاۋ-كەن سامۇرىق» ۇلتتىق كومپانياسى جوعارى قايراقتى جانە سولتۇستىك قاتپار كەن ورىندارىنداعى قور تۋرالى دەرەكتەردى ناقتىلادى (تيىسىنشە، 1 ملن 213 مىڭ توننا جانە 90 مىڭ توننا ۆولفرام). توپوگەودەزيالىق، گەوفيزيكالىق جانە زەرتحانالىق-تالدامالىق زەرتتەۋ جۇمىستارى وتاندىق جانە شەتەلدىك مامانداردى تارتا وتىرىپ، جۇرگىزىلدى.
پاراۆولفرامات اممونيا ماشينا جاساۋ، ستانوك جاساۋ، اسپاپ جاساۋ سالالاردا قولدانىلاتىن اسا بەرىك، توزۋعا ءتوزىمدى، قىزۋعا بەرىك ماتەريالدار الۋ ءۇشىن پايدالانىلادى. پاراۆولفرامات اممونيانى ەكىنشى رەت قولدانۋ – ەمال جانە بوياۋ ءوندىرىسى ءۇشىن ۆولفرام قىشقىلىن الۋ، سونداي-اق، پاراۆولفرامات اممونيا مەن مۇناي حيميا ونەركاسىبىنە ارنالعان قوسپالار رەتىندە قولدانىلاتىن ۆولفرامنىڭ باسقا قوسىلىستارىن وندىرۋگە مۇمكىندىك بەرەدى.
«تاۋ-كەن سامۇرىق» ۇتك» اق باسپا ءسوز قىزمەتى.
