Ál-Farabi atyndaǵy QazUÝ-da himiia jáne himiialyq tehnologiia boiynsha XII Halyqaralyq Birimjanov sezi bastaldy. Dástúrli halyqaralyq sharaǵa álemniń túkpir-túkpirinen himiia salasynyń bilikti ǵalymdary, sarapshylar men jas zertteýshiler, biznes jáne ónerkásip ókilderi jinaldy. Sezde barlyǵy 250-den astam qatysýshy tirkeldi.
Ǵylymi basqosýdy QazUÝ-dyń Basqarma tóraǵasynyń orynbasary - birinshi prorektor m.a. Erkin Dúisenov ashyp, himiia ǵylymynyń eldiń damýynda mańyzdy oryn alatynyn atap ótti.
– Memleket basshysy Qasym-Jomart Toqaev elimizdiń ónerkásiptik jáne ekonomikalyq órkendeýiniń irgetasy bolyp qalanǵan himiia ǵylymyn damytý qajettiligine basa nazar aýdaryp keledi. Ál-Farabi atyndaǵy QazUÝ-da ozyq zertteýler júrgizý úshin, onyń ishinde himiia salasynda barlyq jaǵdailar jasalǵan. 2024 jyldyń maýsym aiynda himiia jáne himiialyq tehnologiia fakýltetinde aldyńǵy qatarly jabdyqtarmen jabdyqtalǵan 9 zamanaýi zerthanany qamtityn Farabi Chem Science zamanaýi klasteri ashyldy. Qoldanbaly himiia turaqty damý úshin jańa materialdar, tehnologiialar men sheshimder jasaýǵa jol ashady, – dedi Erkin Ermanuly.
QR _nerkásip jáne qurylys ministrligi himiia ónerkásibi basqarmasynyń basshysy Azamat Qalen óz sózinde «Sizderdiń túlekterińiz retinde búgingi sharaǵa qatysqanyma óte qýanyshtymyn. Qazirgi tańda óndiris jáne himiia salasyn bilikti kadrlarsyz elestetý múmkin emes. Sondyqtan, ónerkásip ministrligi QazUÝ-ǵa qoldaý kórsetip, bilikti, saýatty maman daiarlaýǵa járdemdesýge daiyn», – dedi Azamat Qalen.
Qazaqstan-Amerika Erkin ýniversitetiniń prezidenti Erejep Mámbetqaziev quttyqtaý hatynda sezdi urpaqtar sabaqtastyǵyn saqtaý úshin jaqsy dástúr dep atady. «Búginde Qazaqstan iskerlik, órkenietti álemge senimdi túrde enýde. Bul táýelsiz Respýblikanyń bilimi men ǵylymyna eleýli úles qosqan QazUÝ túlekteriniń eleýli eńbegi. Bolashaqta Qazaqstan-Amerika Erkin ýniversitetiniń bazasynda himikterdiń kelesi forýmyn uiymdastyrýǵa daiynmyn», – delingen hatta.
B.A. Birimjanov atyndaǵy qazaqstandyq himiia qoǵamynyń tóraǵasy, QR UǴA akademigi, forýmnyń bastamashylarynyń biri Muhambetqali Búrkitbaev plenarlyq otyrystyń ashylýynda oiyn ortaǵa saldy.
– Búgingi forým – bul bizdiń himiia ǵylymy, bilim berý jáne ónerkásip salasynda búgingi kúnge deiin qol jetkizgen deńgeidiń kórsetkishi. Biz taýsylmaityn shikizat resýrstarynyń múmkindikterin, eldiń áleýetin tolyq paidalaný úshin belgili bir sheshimder ázirlep, ǵylym, bilim jáne ónerkásip aldynda turǵan mindetterdi anyqtaýymyz kerek, – dedi tóraǵa.
Sondai-aq plenarlyq jiyn aiasynda «Janý máseleleri institýty» RMK ǵylymi jetekshisi, Birimjanov seziniń bastamashysy Zýlhair Mansurov, Nazarbaev Ýniversitetiniń ónerkásippen ózara is-qimyl jónindegi vitse-provost Jumabai Bákenov jáne qazirgi kezdegi joǵary ulttyq himiia mektebiniń (ENSCR) ókili Silven Jirov baiandama jasady.
Biylǵy shara baǵdarlamasynda «Himiia ónerkásibi úshin kadrlardy daiarlaý» atty paneldik jiyn men «Indýstriia jáne ýniversitet», «Zertteýlerdi kommertsiialandyrý: ǵylymdy bizneske ainaldyrý», «Himiia jáne himiialyq tehnologiiadaǵy jasandy intellekt jáne tsifrlyq tehnologiialar», «Himiiany oqytýdyń syn-qaterleri: jańa strategiialar», «Farmatsevtika salasyndaǵy jańa trendter» syndy seminarlar bar. Is-shara aiasynda bos oryndar jármeńkesi men óndiristik kompaniialardyń kórmesi ótedi.
Sharany Ál-Farabi atyndaǵy QazUÝ, S. Ótebaev atyndaǵy Munai jáne gaz ýniversiteti, KAZHIMIIa himiia ónerkásibiniń qaýymdastyǵy, Munai-gaz-himiia ónimderin óndirýshiler men tutynýshylar qaýymdastyǵy (Munai-gaz-himiia qaýymdastyǵy) birlese uiymdastyrdy.
Ál-Farabi atyndaǵy QazUÝ-dyń Baspasóz qyzmeti
