Senat tóraǵasy Máýlen Áshimbaev ýaqyt beldeýiniń aýysýy onyń kúndelikti ómirine qalai áser etkenin jetkizdi, dep habarlaidy Dalanews.kz.
Aitýynsha, ádettegi ómirinde aitarlyqtai ózgerister bolmaǵan.
“Erte turyp, kesh jatý kópten beri qalyptasqan daǵdym. Jumysqa bailanysty is-sharalarǵa qatysý, keńester ótkizý – kúndelikti tirshiligimniń bir bóligi. Sol sebepti ýaqyt beldeýiniń aýysýyn asa sezinbedim. Múmkin, jumystan qol timegen soń, baiqamai qalǵan shyǵarmyn.”, – dedi Áshimbaev.
Aita keteiik, buǵan deiin Ǵylym jáne joǵary bilim ministri Saiasat Nurbek ýaqyt beldeýindegi ózgeristiń qazaqstandyqtarǵa áserin zertteý úshin úsh jyldyq biýdjetten 160 mln teńge bólinetinin málimdegen bolatyn.
“Úsh jyldyq zertteýge ótinim tústi. Endi biýdjetten 160 million teńge bólinbek. Biraq is júzinde bul soma eki esege qysqaryp, shamamen 90-100 million teńge kóleminde bolady dep oilaimyn”, – dedi ol.
Ministr zertteýdiń quny konkýrstyń nátijesine sáikes anyqtalatynyn jáne bul máseleni ulttyq ǵylymi keńes sheshetinin aitty. Onyń sózinshe, jobanyń naqty egjei-tegjeii ótinim qaralǵannan keiin belgili bolady.
Zertteý protsesine birneshe institýt, sonyń ishinde fiziologiia jáne geografiia institýttary tartylýy múmkin. Ádister áli naqtylanbaǵanymen, saýalnamadan tys tásilder qoldanylyp, máseleniń keshendi túrde qaralatyny aityldy.
“Ázirge tek ótinim berildi, al zertteý ádistemesi men ony júzege asyrý joldary konkýrs ótkizilgennen keiin anyqtalady”, – dep túsindirdi ministr.
