Alǵa 13 qadam jyljyp, 207 oryndy baǵyndyrdy. Bul topqa postkeńestik aimaqtan tek eki ýniversitet: QazUÝ jáne Lomonosov atyndaǵy Máskeý memlekettik ýniversiteti (RF) endi.
QS álemdegi úzdik bilim ordalaryna kóp jyldan beri ǵalamdyq reiting júrgizip kele jatqan bedeldi ári yqpaldy, barlyq elde moiyndalǵan halyqaralyq agenttik. Reitingide alǵashqy úsh oryndy AQSh ýniversitetteri: Massachýsets tehnologiialyq institýty, Stenford jáne Garvard ýniversitetteri ielengen.
QazUÝ elimizdiń jetekshi ýniversiteti retinde Tuńǵysh Prezident – Elbasy Nursultan Nazarbev alǵa qoiǵan álemniń eń úzdik 200 ýniversitetiniń sanatyna ený boiynsha mańyzdy memlekettik mindetti júzege asyrý úshin maqsatty túrde jumys isteýde.
Sońǵy bes jylda ýniversitet «QS WUR» reitinginde 400 satydan astam beleske kóterildi.
Álemdik tájiribede birde-bir JOO mundai ósý qarqynyna kol jetkizgen emes! QS sarapshylarynyń usynysy boiynsha QazUÝ tájiribesi álemdegi jetekshi ýniversitetterde zerttelýde. Mundai kórsetkish bilim berý men ǵylymnyń álemdik naryǵyndaǵy ýniversitettiń joǵary básekege qabilettiliginiń dáleldi aiǵaǵy.
Aita ketý kerek, «QS WUR by Subject» pándik reitinginiń nátijesinde QazUÝ TMD elderi joǵary oqý oryndarynyń arasynda birinshi bolyp álemdegi eń úzdik 51-100 topqa engen.
Jalpy atalmysh reitingige jetekshi qazaqstandyq ýniversitettiń alty mamandyǵy kirdi.
Ǵalamdyq ǵylymi-bilim berý keńistigindegi QazUÝ róliniń artýyn eskere otyryp QS Qazaqstanda halyqaralyq forým ótkizýdi sheshti. Ýniversitettiń ǵana emes, sonymen qatar Qazaqstannyń búkil joǵary bilim berý júiesiniń álemdik biik bedeliniń kórsetkishi bolyp tabylatyn «Adami mura jáne joǵary tehnologiialar úilesimi negizinde jetilý» atty álemdik deńgeidegi shara 2019 jyldyń qyrkúieginde ál-Farabi atyndaǵy QazUÝ negizinde ótedi.
QazUÝ ózge de bedeldi halyqaralyq reitingilerde qarqyndy serpilispen alǵa jyljýda.
«Times Higher Education» Britandyq agenttiginiń zertteý nátijesi boiynsha QazUÝ Ortalyq Aziiada alǵash bolyp álemdegi eń úzdik JOO-lar tobyna kirdi.
«UI Green Metric Ranking of World Universities» jahandyq reitinginde QazUÝ 172 oryn aldy, Eýropalyq ǵylymi-ónerkásiptik palatasy eýropalyq reitinginde QazUÝ «AA» baǵasyna ielenip, jetekshi eýropalyq joǵary oqý oryndarynyń tobyna endi. Tanymal halyqaralyq «Great Value Colleges» (AQSh) uiymynyń zertteý nátijesi boiynsha QazUÝ álemniń tehnologiialyq damyǵan ýniversitetiniń ishinde 31-shi oryndy baǵyndyrdy.
Aýqymdy qurylymdyq modernizatsiialaý, nátijelerge negizdelgen menedjmenttiń joǵary tiimdiligi jáne sońǵy bes jylda 50%-ǵa deiin ósken biregei infraqurylymdardyń qarqyndy damýy QazUÝ-dyń reitingilerdegi alǵa jyljýynyń mańyzdy faktory boldy.
Ýniversitettiń álemdik tanylýy halyqaralyq áriptestik aiasynyń keńeiýi jáne internatsionalizatsiianyń damýymen, sonymen qatar QazUÝ-dyń BUU «Akademiialyq yqpal» baǵdarlamasynyń turaqty damý jónindegi ǵalamdyq haby retindegi belsendi qyzmetimen bailanysty.
