Gýrievtiń aitýynsha Resei ekonomikasy sońǵy birneshe jyl boiy bir ornynda turalap tur. 90-shy toqyraý jyldaryndaǵy daǵdarystyń aýyly da alys emes.
"Resei ekonomikasy jylyna 1,5-2 paiyzdyq qarqynmen ósedi degen boljamnyń oryndalmaityn túri bar. Koronavirýs Kremldiń josparyn kúl-talqan etti. Daǵdarys Resei ekonomikasynyń eńsesin kótertpeidi, kerisinshe kúizeliske ushyrata túsedi", – deidi Gýriev.
Sarapshynyń paiymdaýynsha Resei reforma júrgizýden birjolata bas tartqan. Ázirgi daǵdarystyń sebebi sonda.
"Resei ekonomikasynyń búgingi keipi 70-80-shi jyldaǵy Keńes odaǵynyń surqy ketken júiesine uqsas. Reforma atymen joq. Ósim bolady-aý degen úmit múldem óshken. Jaǵdai shynymen de ushyǵyp tur. Resei kún ótken saiyn órkenietti álemnen qol úzip, kósh sońynda súiretilip keledi.
Sońǵy jyldary Qazaqstan Reseidi qýyp jetip, ol azdai basyp ozdy. Bir kezderi postkeńestik keńistikti ashsa alaqanynda, jumsa judyryǵynda ustaǵan dáýletti eldiń qazir "qý súiegi" ǵana qalǵan. Osydan 20 jyl buryn Reseiden 40 paiyzǵa qalyp kele jatqan Qazaqstan Reseidi qýyp jetti", – deidi ekonomist.
Bloomberg -tiń boljaýynsha Reseidiń jalpy ishki ónimi biyldyqqa 16 paiyzǵa quldyrap, toqyraý jyldarynyń kórsetkishin qaitalaidy.
