Áleýmettik jelide Májilistiń burynǵy depýtaty ári Atyraý oblysy ákiminiń eks-orynbasary Baqytgúl Hamenovanyń resmı is-sharaǵa qurmetti qonaq retinde qatysqan sáti túsirilgen beınejazba tarady. Bul jaıtqa baılanysty Atyraý oblystyq soty resmı túsinikteme berdi, dep habarlaıdy Dalanews.kz.

Vedomstvonyń habarlaýynsha, Baqytgúl Hamenova jazany óteýden tolyq bosatylmaǵan, tek jazany óteý merzimi úsh jylǵa keıin shegerilgen. Sot ókilderi Hamenovaǵa berilgen zańdy jeńildik jazany tolyq ótep bolǵanyn bildirmeıtinin atap ótti.

Aıta keteıik, buǵan deıin burynǵy sheneýniktiń toıda aldyńǵy qatarda, memlekettik qyzmetkerler men polısıa ókilderiniń ortasynda turǵan beınejazbasy taraǵan edi. 

Burynǵy sheneýnikke qatysty sot sheshimi óz kúshinde, tek jazany óteý merzimi ǵana keıinge shegerilgen. Sot ókilderi Hamenovaǵa berilgen zańdy jeńildik jazany tolyq ótep bolǵanyn bildirmeıtinin atap ótti.

Eske salaıyq, Baqytgúl Hamenova 4,5 mıllıon teńge kóleminde para alǵany úshin 7 jylǵa bas bostandyǵynan aıyrylǵan bolatyn. Para Abaı eskertkishin ornatý kezinde alynǵan. Sot sheshimimen ol memlekettik qyzmette jumys isteý quqyǵynan aıyrylyp, múlki tárkilenýge tıis edi.

2022 jyly 15 qarashada Atyraý qalasynyń №2 soty Atyraý oblysy ákiminiń burynǵy orynbasary Baqytgúl Hamenovany 7 jylǵa bostandyǵynan aıyrý, alaıda kámeletke tolmaǵan balalary baryn eskere otyryp, jazany úsh jyldan keıin óteý jóninde úkim shyǵardy.

Sot úkiminde Baqytgúl Hamenovanyń múlki tárkilenetini, "Qurmet" ordeni men memlekettik laýazymdy atqarý quqyǵynan ómir boıyna aıyrylǵany kórsetilgen.

Sot zalynan ýaqytsha bostandyqqa shyqqan soń Baqytgúl Hamenova "sot úkimimen kelispeıtinin, apelásıalyq shaǵym túsiretinin" málimdedi.

Baqytgúl Hamenova isimen birge qaralyp jatqan Atyraý oblystyq mádenıet basqarmasynyń burynǵy jetekshisi Aqylbek Rysqalıevti sýdıa Jumaǵalı Táshimov 7 jylǵa, "Balqytý" JSHS dırektory Ómirtaı Adamovty 4 jylǵa bostandyǵynan aıyrdy.