Elordada 11 karasha kúni saǵat 14. 00-de «KÓRME» ortalyǵynda, Eýraziialyq halyqaralyq «Eurasian Book Fair-2016» atty kitap kórme-jármeńkesi aiasynda túriktiń kórnekti jazýshysy, Nobel syilyǵynyń laýreaty, birneshe ulttyq, halyqaralyq ádebi syilyqtardyń iegeri Orhan Pamýktiń «Sezim mýzeii» (aýdarǵan Marjan Ershý) jáne «Meniń atym Qyrmyzy» (aýdarǵan Amangeldi Qurmetuly) atty eki kitabynyń tusaýkeseri ótedi.
Orhan Pamýk shyǵarmalary «Foliant» baspasynyń tapsyrysymen qazaq tiline tuńǵysh ret aýdarylyp otyr. Tusaýkeserge ziialy qaýym ókilderi, belgili qalamgerler qatysady.
Orhan Pamýk 1952 jyly 7 maýsym kúni Ystambýlda týǵan. «Ystambýl –estelikter qalasy» kitabynda jazǵanyndai, Orhan Pamýktyń 22 jasyna deiin sýretshi bolam degen armany bolǵan. Ystambýldaǵy amerikandyq Robert kolledjinde bilim alady. Kolledj bitirgennen keiin ata-anasynyń aqylymen Ystambýldaǵy tehnikalyq ýniversitette oqyǵan (áke-sheshesi onyń injener-qurlysshy bolǵanyn qalaǵan), alaida ol úshinshi kýrstan keiin kásibi jazýshy bolý úshin bul oqý ornyn tastap ketip, 1977 jyly Ystambýl ýniversitetiniń jýrnalistika institýtyn támamdaidy.
1982 jyly «Jevdat myrza jáne onyń balalary» atty alǵashqy romany jaryqqa shyǵady. Bul romany úshin Pamýk «Ulttyq romany» medalimen marapattalady.
Budan soń «Únsiz úi» atty romany jaryqqa shyǵyp, frantsýz tiline aýdarylyp basylǵannan keiin bul romany da oǵan tanymaldylyq ákeledi jáne ádebiet salasyndaǵy halyqaralyq syilyqqa ie bolady.
1985 jyly jaryqqa shyqqan « Aq qamal» romany birneshe tilge aýdarylyp, onyń atyn álem jazýshylarynyń qataryna qosty.
1985-1988 jyldary aralyǵynda AQSh elinde ómir súrip, Kolýmbiialyq ýniversitetinde (Niý-Iork) qyzmet atqarady.
1990 jyly «Qara kitap» atty romany jaryqqa shyqty. Bul romany da birneshe tilge aýdarylyp, Frantsiianyń Óner atalymyna beriletin úlken syilyǵyn aldy.
1994 jyly «Jańa ómir» atty óleń-romany jaryqqa shyqty.
1998 jyly «Meniń atym Qyrmyzy» romany jaryqqa shyǵyp, birneshe tilge aýdaryldy. Osy romany úshin oǵan birneshe eldiń «Ádebi syilyq» marapaty berildi. (Frantsiia 1998 , Italiia 2002, Irlandiia 2003).
Orhan Pamýk 1990 jyldyń ortasynan bastap adam quqyǵy, oi erkindigi taqyrybynda jazǵan maqalalarymen óziniń batyl oily qalamger ekendigin tanytty.
1999 jyly baspasózde jariialanǵan mádeni-ádebi oi-tolǵanystaryn, maqalalaryn jinaqtap, «Túrli túster» atty kitabyn shyǵardy. Alǵashqy jáne sońǵy romanym dep ataǵan «Qar» (2002) romany da oqyrman qaýymnyń qyzyǵýshylyǵyna ie boldy. «New York Times Book Reuiew» uiymynyń sheshimimen 2004 jyly «Álemdegi eń úzdik 10 kitaptyń» qataryna endi.
2005 jyly «Baris» Beibitshilik medali (Germaniia ), «Álemniń 100 intellektýaly jáne 100 kórnekti ókili» tizimine kirdi. Shyǵarmalary 62 tilge aýdarylyp, kitaptary birneshe basylymmen qaitara basylyp, 12 millionnan asa taralymmen taraǵan.
Amerikadaǵy Mádeniet akademiiasynyń, Qytaidyń óner akademiiasynyń qurmetti múshesi, kóptegen Batys, Shyǵys ýniversitetteriniń qurmetti professory, birneshe ulttyq jáne halyqaralyq syilyqtardyń iegeri.
2006 jyly Orhan Pamýk Nobel syilyǵynyń laýrety ataǵyn aldy.
Derekkóz: baq.kz
