OQO memlekettik-jekemenshik jobalardy júzege asyrýda kósh bastap tur
Tilshiler toby eń aldymen Shymkent qalasyndaǵy 350 oryndyq balabaqsha men «Qaitpas-1» móltek aýdanyndaǵy 500 oryndyq qalalyq emhananyń qurylys barysymen tanysty. Munan soń tilshiler Túlkibas aýdanyndaǵy 100 oryndyq balabaqshaǵa aialdady. Atalǵan nysandar memlekettik – jekemenshik áriptestik aiasynda boi kóterýde.
Aita keteiik, búginde memlekettik – jekemenshik áriptestik aiasynda oblysymyzda 13 joba iske asyrylýda. Bul jóninde oblysymyz respýblikada aldynǵy qatarda tur. Onyń 8-i bilim, 3-ýi sport, 2-ýi densaýlyq saqtaý salasynda júzege asyp jatyr. Búginde atalǵan 13 jobanyń 8-ine konkýrsy jariialanyp, 20 jobanyń tiisti qujattary ázirlenýde.
«Ońtústik Qazaqstan oblysynda memlekettik – jekemenshik áriptestik aiasynda investorlar tartý isi jandanyp keledi. Bul rette sheteldik jáne jergilikti kásipkerlerdiń de qyzyǵýshylyǵy basym bolyp otyrǵanyn aita ketý kerek. Osy tetik arqyly biz biýdjet qarjysyn úndemdep qana qoimai, áleýmettik mańyzdy máselelerdi sheshýge múmkindik alamyz», – deidi Arman Sábituly.
Jýyrda ǵana Shymkent qalasyndaǵy jedel járdem stansasyn modernizatsiialaý jobasyn iske asyrý maqsatynda sheteldik investormen kelisim-shart túzilgen bolatyn. Jalpy túzilgen kelisim-shart sany boiynsha oblys respýblikada aldynǵy qatarda tur.
Budan bólek, memlekettik-jekeshelik áriptestik tetigi arqyly Shymkent qalasynda onkologiialyq ortalyq qurylysy, Shymkent qalasyndaǵy 200 oryndyq ońaltý ortalyǵynyń qurylysy, «Qaýipsiz qala», Shymkent jáne Túrkistan qalalalarynyń kóshelerin jaryqtandyrý jáne t.b. jobalaryn iske asyrý josparlanýda.
Jalpy, memlekettik-jekeshelik áriptestigi – bul qoǵamdyq mańyzdy jobalardy júzege asyrýǵa jeke investitsiialardy tarta otyryp, tiimdi basqarýǵa, sondai-aq birqatar memlekettik qyzmetterdi jeke sektorǵa berýge baǵyttalǵan memleket pen jeke biznes arasyndaǵy yntymaqtastyq bolyp tabylady.
OQO ákiminiń baspasóz qyzmeti
