Kremldiń propaganda quraldary Aimaǵambetovpen daýlasyp júrgen Ońtústik Qazaqstan pedagogikalyq ýniversitetiniń burynǵy rektory Anar Qaiyrbekovanyń málimdemelerin alǵa tartyp, oqyrmanǵa derekkóz retinde usynǵan.
Sait tilshisi Aimaǵambetovti qaralaý materialdaryn jariialaǵan reseilik basylymdarǵa sholý jasap shyqty.
Aimaǵambetov Batystyń tyńshysy ma? «Stan Radar» basylymy «Chto ishýt kazahstanskie siloviki v Minobrazovaniia Kazahstana?» degen materialynda Aimaǵambetovti qazaqstandyq muǵalimderdi aǵylshyn tilinde oqytamyn dep biýdjet aqshasyn jymqyrdy dep aiyptaidy.
Basylym Anar Qaiyrbekovanyń Aimaǵambetovti Soros-Qazaqstan qorymen qarjylyq jaǵynan «kúmándi» bailanysta degen aiybyn mysalǵa keltire otyryp, atalǵan aqparat jariialanǵannan keiin ministr ony «qorqytyp, esep aiyryspaq» bolǵan deidi.
Aita keteiik, ádildik izdegen Qaiyrbekova Qazaqstan Prezidenti Qasym-Jomart Toqaevqa ashyq hat joldaǵan bolatyn.
«Bilim jáne ǵylym ministrliginde muǵalimderdi aǵylshyn tiline oqytýǵa 6,7 mlrd teńge somasynda kelisimshart jasasý kezindegi sybailas jemqorlyq faktileri týraly, Aimaǵambetovtyń 74 mlrd teńge somasyna az qamtylǵan otbasylardan shyqqan oqýshylarǵa arnalǵan tómen sapaly Qytai noýtbýkterin joǵary baǵamen satyp alý kezindegi jemqorlyq shemalary, Aimaǵambetov dissertatsiiasyndaǵy jalǵandyq faktisi, sondai-aq Aimaǵambetovtiń Reseide tyiym salynǵan Máskeý saiasi zertteýler mektebinde oqýy, oppozitsiiany aǵartý jáne yqpal etý agentterin daiarlaý jónindegi diversiialyq mektep týraly málimetterin jariia etkennen keiin men qatań qysym obektisine ainaldym. Ol quqyq qorǵaý organdary arqyly qorqytý tehnikasyn qoldandy», – dep jazǵan Qaiyrbekova Qazaqstan Prezidentine ashyq hatynda.
Eks-rektor quzyretti organdar Aimaǵambetovtiń «Soros-Qazaqstan qorynyń jeke sheteldik qurylymynan» aqsha alǵany týraly aqparatty tekserýdiń ornyna «esep berýmen» ǵana ainalysty dep otyr.
BǴM-niń qazaqylandyrý saiasaty Regnum basylymy BǴM úshin latynǵa kóshý Resei bodandyǵynan bosaý úshin qajet deidi.
«Bilim jáne ǵylym ministrligi qazaqylandyrý jáne latynǵa kóshýdiń «mańyzdy» problemasyna alańdaýly. Aimaǵambetov: «Biz úshin birinshi kezektegi mindetterdiń biri – oqytýda memlekettik tildiń ústem bolýyna jaǵdai jasaý. Bul jerde eshqandai pikirtalas bolmaýy kerek, óitkeni bul memlekettik til jáne bizdiń elimizdiń azamattary memlekettik tilde bilim alýy tiis» dep aiyryqsha atap ótti.
Másele mynada, qazaqstandyq Bilim jáne ǵylym ministrliginiń reformalary bilim týraly emes, Reseiden alshaqtaý týraly.
Qazaq tiliniń latyn grafikasyna kóshý qajettiligin negizdeýde. A.Baitursynov atyndaǵy Til bilimi institýty «Qazaq jazýyn totalitarizm jolynan bosatý jáne ulttyq sana-sezimdi oiatý» jáne «túrkitildes álemmen odan ári toptasý» siiaqty maqsattardy alǵa tartady. Bilim ministrliginiń Memlekettik satyp alý departamentiniń burynǵy basshysy Anar Qaiyrbekova habarlaǵandai, bilim ministri Ashat Aimaǵambetov oqýǵa kelisimshart jasady.
Bul basylymda muǵalimderdi aǵylshyn tiline oqytýǵa qatysty qarajatqa toqtala kelip, Aimaǵambetovti Batys qorlaryna jumys istep otyr dep aiyptaidy.
«Bilim ministrliginiń Memlekettik satyp alý departamentiniń burynǵy basshysy Anar Qaiyrbekova habarlaǵandai, bilim ministri Ashat Aimaǵambetov muǵalimderdi aǵylshyn tilinde oqytýǵa qatysty kelisimshart jasaǵan. Atalǵan salada jumys tájiribesi joq kompaniia kelisimshartty sátsiz aiaqtaǵan.
Anar Qaiyrbekova muǵalimderdi oqytý úshin tańdalǵan kompaniia sybailas jemqorlyq áreketteri úshin jaýapqa tartylǵanyn alǵa tartyp otyr.
Qazaqstannyń bilim berýdi reformalaý salasyndaǵy asa belsendi oiynshylardyń biri – Ekonomikalyq yntymaqtastyq jáne damý uiymy men Dúniejúzilik bankten basqa, Soros qory bolyp tabylady (Reseide uiym kereksiz uiymdar tiziminde – ESK.s IA REGNUM).
Osy qurylymnyń «Soros-Qazaqstan qorynyń 20 jyldyq qyzmeti» atty baiandamasynan kóretinimizdei, 12 jyldyq bilim berý jáne «qazaq tilin qorǵaý» ideiasy oǵan tiesili. Sonymen qatar Soros olar mektep ákimshilikterin ainalyp ótip, «beiresmi kóshbasshylar» muǵalimderin qalyptastyrýymen qyzyq bop turǵan «Barshaǵa arnalǵan mektep» jáne «Qazaqstan muǵalimderiniń kóshbasshylyǵy» jobalaryn júzege asyrýda.
Qazaqstanda bilim salasyndaǵy memlekettik reformany Sorostyń kóp jyldan beri seriktesteri bolyp kele jatqan adamdar júzege asyrady. Aimaǵambetov Sorospen bailanysyn qatty jarnamalamaidy.
Anar Qaiyrbekova: «Ashat Aimaǵambetov NATO elderi qarjylandyrǵan Máskeý Azamattyq aǵartý mektebinde (sheteldik agent – uiym) oqyǵan» dep aitty. Oqytýshylardyń arasynda AQSh-tyń Reseidegi burynǵy jáne qazirgi elshileri, AQSh prezidenti ákimshiligindegi Resei jáne Eýraziia isteri jónindegi keńesshiler Tomas Grem jáne Tobi Gati, Pentagon basshysynyń burynǵy orynbasary Richard Perl, TsRÝ Syrtqy barlaý sarapshylary tobynyń burynǵy basshysy Richard Paips bar» dep jazǵan.
«Ustaz» JShS jáne jemqorlyq «Stan Radar» basylymy sáýir aiyndaǵy «Chto ne tak s Ministerstvom obrazovaniia Kazahstana i ego rýkovoditelem – Ashatom Aimagambetovym?» materialynda latyn álipbiine kóshý biýdjet aqshasyn jymqyrýdyń bir joly deidi.
Bilim ministrligi óz salasyndaǵy sybailas jemqorlyq faktilerin anyqtaý maqsatyndaǵy monitoring pen saýalnama júrgizý jumystaryna maqsatty túrde kedergi keltiredi. Júieli sipatqa ie qubylys jolǵa qoiylǵan. Sorostyń shákirti basqaryp otyrǵannan keiin, permanentti neoliberal reformalar men Batys úlgisi biýdjettiń qyrýar qarjysyn qaltaǵa basýdyń yńǵaily joly. Bálkim, latyn álipbiine kóshý arqyly biligi bar sheneýnikter jańa oqýlyqtar, ádistemelik ádebietter men qaita oqytý protsesinde qyrýar qarjyny qaltaǵa basýdy kózdep otyrǵan bolar.
Aimaǵambetovtiń 2020 jyldyń sońynda ózine 15 million teńge, orynbasarlaryna da úlken kólemde syiaqy taǵaiyndaǵany reseilik BAQ-tyń nazarynan tys qalmaǵan.
«Sońǵy epizod Parlamentte talqylandy. Bizdiń derekkózimizdiń málimetinshe, qazaqstandyq kúsh qurylymdaryn BǴM-niń Qazaqstan ustazdaryn aǵylshyn tiline oqytýyna qatysty «Ustaz» JShS jasaǵan sharttary qyzyqtyryp otyrǵan kórinedi. Atalǵan firmamen ministrlik 6,7 mlrd teńgege (8,6 mln dollar) kelisimshart jasaǵan. Jobanyń ózi sátsiz shyqqan, sebebi daiyndyqtan ótken ustazdardyń 80% aǵylshyn tilin tiisti deńgeide meńgermegen jáne qosymsha oqýdy qajet etken.
Bul epizod memlekettik «úshtildi bilim berý júiesine» kóshý baǵdarlamasynyń iske asýyna bóget bolǵan. «Ustaz» JShS bedeline de nuqsan keldi, sebebi onyń ókili 2020 jyly bilim berý salasyndaǵy sheneýnikterge para bermek bolǵany úshin qamaýǵa alyndy.
Jalpy aitqanda, saiasatsyz-aq, Bilim ministrligindegi sybailas jemqorlyq, memlekettik satyp alýmen bailanysty hikaialardyń ózi quzyretti organdardyń tekserýin qajet etedi.
«Vremia» basylymy bolsa Aimaǵambetovti jeke basyn jarnamalaýdy ǵana biledi dep aiyptap otyr.
«Aimaǵambetov shynaiy nátijeler, sybailas jemqorlyqpen kúresten góri jeke basyn jarnamalaýmen ainalysady. Áleýmettik jelilerde seni «halyq ministri» dep maqtaýyńdy asyryp, birneshe bottardy iske qosatyn piar mamandaryn jaldaýǵa da bolady» dep jazǵan.
https://dalanews.kz/comment/69060-biz-qazaqqa-boryshtarmyz?fbclid=IwAR0uHZGeF5B0wmK6HrWcSmN9yoGQ54MkMJHcpgl_T-2S88_KmagZlHwe-lI
https://dalanews.kz/kogam/69168-ata-oneri-balaga-mura-qazaqstanda-q
