Óner ortalyǵynyń ashylýyna osy ólkeniń týmasy, Qazaqstan Sýretshiler Odaǵynyń múshesi Quttybek Jaqypov muryndyq boldy.
Mádenıet úıinde elimizdiń óńirlerinen jáne shetelderden kelgen óner ıelerine Quttybek Tynybekulynyń týyndylary tanystyrylyp, óner ıesiniń "Tólebı - Uly Dala mekenim" atty shyǵarmashylyq keshi ótti.
«Sýretshiler úıiniń» ashylý saltanatyna aýdan ákimi Tólegen Telǵaraev, aýdannyń qurmeti azamaty, mádenıet janashyry Kúlıa Aıdarbekova, QR Sýretshiler Odaǵynyń tóraǵasy Ómirbek Jubanıazov jınalǵan qaýymǵa júrekjardy tilekterin jetkizdi.
– Ultymyzdyń tarıhyn, salt-dástúr, ádet-ǵuryp, turmys tirshiligin beıneli ári kórkem túsindiretin halyqaralyq deńgeıde uıymdastyrylyp jatqan «Tólebı - Uly Dala mekenim» atty sýretshiler plenerine kórshiles Ózbekstan, Qyrǵyzstan memleketi men Nur-Sultan, Almaty qalalarynan halyqaralyq dárejedegi sýret sheberleri kelip otyr. Jas sýretshilerdiń shyǵarmashylyǵyna serpin beretin oblystyq «Bir ólke – bir sýret!» atty jas sýretshiler sımpozıýmynyń plenermen birge ótýiniń ózi bul sharanyń halyqaralyq deńgeıde dástúrli túrde ótýine negiz bolady, – dedi quttyqtaý sózinde aýdan basshysy Tólegen Turtaıuly.
