ونەر ورتالىعىنىڭ اشىلۋىنا وسى ولكەنىڭ تۋماسى، قازاقستان سۋرەتشىلەر وداعىنىڭ مۇشەسى قۇتتىبەك جاقىپوۆ مۇرىندىق بولدى.
مادەنيەت ۇيىندە ەلىمىزدىڭ وڭىرلەرىنەن جانە شەتەلدەردەن كەلگەن ونەر يەلەرىنە قۇتتىبەك تىنىبەك ۇلىنىڭ تۋىندىلارى تانىستىرىلىپ، ونەر يەسىنىڭ "تولەبي - ۇلى دالا مەكەنىم" اتتى شىعارماشىلىق كەشى ءوتتى.
«سۋرەتشىلەر ءۇيىنىڭ» اشىلۋ سالتاناتىنا اۋدان اكىمى تولەگەن تەلعارايەۆ، اۋداننىڭ قۇرمەتى ازاماتى، مادەنيەت جاناشىرى كۇليا ايداربەكوۆا، ق ر سۋرەتشىلەر وداعىنىڭ ءتوراعاسى ومىربەك جۇبانيازوۆ جينالعان قاۋىمعا جۇرەكجاردى تىلەكتەرىن جەتكىزدى.
– ۇلتىمىزدىڭ تاريحىن، ءسالت-داستۇر، ادەت-عۇرىپ، تۇرمىس تىرشىلىگىن بەينەلى ءارى كوركەم تۇسىندىرەتىن حالىقارالىق دەڭگەيدە ۇيىمداستىرىلىپ جاتقان «تولەبي - ۇلى دالا مەكەنىم» اتتى سۋرەتشىلەر پلەنەرىنە كورشىلەس وزبەكستان، قىرعىزستان مەملەكەتى مەن نۇر-سۇلتان، الماتى قالالارىنان حالىقارالىق دارەجەدەگى سۋرەت شەبەرلەرى كەلىپ وتىر. جاس سۋرەتشىلەردىڭ شىعارماشىلىعىنا سەرپىن بەرەتىن وبلىستىق «ءبىر ولكە – ءبىر سۋرەت!» اتتى جاس سۋرەتشىلەر سيمپوزيۋمىنىڭ پلەنەرمەن بىرگە ءوتۋىنىڭ ءوزى بۇل شارانىڭ حالىقارالىق دەڭگەيدە ءداستۇرلى تۇردە وتۋىنە نەگىز بولادى، – دەدى قۇتتىقتاۋ سوزىندە اۋدان باسشىسى تولەگەن تۇرتاي ۇلى.