Kúnine orta eseppen bir brigada 100-ge jýyq adamdy vaktsinatsiialaidy, dep habarlaidy elorda ákimdiginiń resmi saity.
Búgin mobildi vaktsinatsiia toby Sine Tempore saýda úiine shyqty. Munda qyzmetkerlerden bólek, saýda ortalyǵynyń jalǵa alýshylary da kelip jatty.
«Vaktsina alǵanyma biraz ýaqyt boldy, tiisinshe qyzmetkerlerimdi de úgittep keldim. Mobildi vaktsinatsiia toptarynyń arqasynda immýndaýdan óttik. Bul óte yńǵaily, jumys ýaqytymyz bólinbeidi, eshkim eshqaida ketpeidi», - dedi «Sine Tempore» AQ prezidenti Tatiana Tsoi.
Vaktsina alǵandar ózderin jaqsy sezinip otyrǵanyn aitty. Olardyń kópshiligi ekpe alý týraly sheshimdi oilanyp baryp qabyldaǵan eken.
«SOO-ǵa mobildi vaktsinatsiia keledi dep habarlady. Oilanbastan tirkeldim. Sebebi, bul infektsiiany ózim juqtyrǵanmyn, qanshalyqty qaýipti ekenin de jaqsy bilemin. Bul qaýipten qorǵanǵan jón», - dedi elorda turǵyny Sairangúl.
Aita keterligi, vaktsinatsiialaýǵa belsendi túrde shaqyratyndar arasynda koronavirýspen aýyrǵandar kóp. Sebebi olar virýspen ǵana emes, onyń saldarymen de kúresý qanshalyqty qiyn ekenin biledi.
«Vaktsinatsiiadan keiin ózimdi jaqsy sezinemin. Bul indetti osydan tórt ai buryn juqtyrǵanmyn. Ekinshi ret juqtyrǵym kelmeidi. Elimizdiń barlyq azamatyn vaktsina alýǵa shaqyramyn. Bul bizdi koronavirýstan qorǵaidy», - dedi saýda úiiniń qyzmetkeri Arben Djori.
«Otbasymda bári ekpe aldy. Al ózim kópten beri úreilenip júrip, endi ǵana sheshim qabyldadym. Vaktsinany bári alǵanyn qalaimyn», - dedi SOO qyzmetkeri Tatiana Morozova.
Vaktsinatsiia – bul ujymdyq immýnitetti damytýdyń jáne ádettegi ómirge oralýdyń jalǵyz tásili. Eýropa elderi men fýtboldan ótip jatqan Eýropa chempionatynyń (jartylai jankúierge tolǵan stadiondar) tájiribesi indetti jeńýge bolatynyn kórsetedi. Vaktsinatsiialanǵan azamattardyń sanyn kóbeitý kerek. Meditsina qyzmetkerleri elorda turǵyndarynyń vaktsinatsiiaǵa daiyn ekenin aitty.
«Naýryz aiynan bastap vaktsinatsiialaý úshin eńbek ujymdaryna baryp júrmiz. Kúnine eki ret baratyn kezimiz bolady. Ortasha eseppen 50-ge jýyq adam vaktsina alýǵa keledi. Keide odan da kóp bolyp jatady. Bizdiń emhananyń ózinde úsh mobildi top bar. Ótinimder iri zaýyttardan, áýejailardan jáne vokzaldardan, sondai-aq shaǵyn kompaniialardan túsip jatady. Virýstyń jańa qaýipti shtammy paida bolǵanyn, onyń mýtatsiialanǵanyn eskerer bolsaq, vaktsinatsiiadan bári ótýi qajet. Bul halyqtyń azamattyq boryshy», - dedi №14 emhana bólimshesiniń meńgerýshisi Esbol Omarov.
Onyń aitýynsha, elorda ákimdigi júrgizgen jumystyń nátijesinde vaktsina alýǵa keletin jurttyń qatary kóbeie bastady. Qala turǵyndary vaktsinatsiia máselesinde ózderiniń azamattyq ustanymdaryn belsendi túrde kórsetip, immýndaýdan ótip jatyr.
Eske sala keteiik, buǵan deiin elorda ákimi Altai Kólginov vaktsinatsiialanǵandar arasynda eki bólmeli páterdiń utys oiyny ótkiziletinin habarlaǵan. Oǵan vaktsinanyń birinshi komponentin 25 maýsym men 31 tamyz aralyǵynda alǵan azamattar ǵana qatysa alady.
Sondai-aq, qala turǵyndaryn jappai vaktsinatsiialaýǵa yntalandyrý úshin elorda kásipkerleri ekpe alǵandar arasynda baǵaly syilyqtar utysyn ótkizip jatyr.
Mysaly, «Aziia Park», «Mega Silk Way», «Saryarqa», «Abý-Dabi Plaza», «Kerýen», «Eýraziia» SOO-larynda turmystyq jáne kompiýterlik tehnika túrinde baǵaly syilyqtar oinatylyp, jeńildik kýpondary beriledi.
Aita keteiik, búginde elordada 230 myńǵa jýyq azamat vaktsinanyń birinshi komponentin qabyldasa, 152 myńnan astam adam tolyq immýndaýdan ótti.
https://youtu.be/IclkMahm-2o
