Ákimdik baspasóz qyzmetiniń málimetinshe, olardyń arasynda 5-10 nysanda karantın talaptary saqtalmaıtyny anyqtalady. Karantındik sharalar saqtalmaıtyn nysandar arasynda «Ashyq» jobasyna qatysýshylar da bar.
Máselen, keshe, ıaǵnı 30 maýsym kúni Baıqońyr aýdanynda ornalasqan 5 saýda nysanynda qyzmetkerlerdiń maska rejımin saqtamaǵany anyqtaldy. Olar: "Bıg Shanhaı", "Alýan Saıman" bazarlary, "Aımaqtaý", "Tulpar", "Alash" saýda úıleri.
Saryarqa aýdanynyń monıtorıńtik toby jumys rejıminiń qoldanystaǵy shekteýlerine qaramastan túngi saǵat 2-den keıin de jumys istegen Loto club-ty anyqtady.
Jınalǵan materıaldyń bári ákimshilik jaýapkershilikke tartý úshin aýdandyq sanıtarlyq-epıdemıologıalyq baqylaý basqarmalaryna tapsyryldy.
"Karantındik talaptardy saqtaý jóninde kásipkerlik sýbektileri men elorda turǵyndaryna jasalǵan kóptegen ótinishterge, túsindirýlerge qaramastan olar qarapaıym talaptardy saqtamaı otyr. Tyıym salynǵanyna qaramastan, kelýshiler sany ruqsat etilgen mólsherden asyp túsedi. Qyzmetkerler maska rejımin saqtamaıdy, sol sıaqty jumys isteýine ruqsat berilmegen nysandar tyıymdy elemeı otyr", - dep atap ótti elordanyń sanıtarlyq-epıdemıologıalyq qyzmet departamenti.
2021 jyldyń 1 qańtary men 30 maýsym aralyǵyndaǵy kezeńde aýdandyq SEK shekteý jáne karantın sharalaryn buzǵany úshin jalpy somasy 150 262 745 teńgege 726 jeke, zańdy tulǵany ákimshilik jaýapkershilikke tartty.
